2 MATESALONIKA 2:9 - Ha`bari Ndjema ya I Maore

⁹ uMuv̄enulio wa uMovu uwo utsorendreha ha zitrendro za Shetwani, v̄umoja na kula namuna ya midjuza, ãlama za ãdjaɓu, na ãdjaɓu ndzinafiki,

2 MATESALONIKA 2:9 ပူးပေါင်းရင်းမြစ်များ

MATIYO 12:22

Amwesa Insa av̄ingiwa mutru shetwani yaka yamufanya mufa-matso, ɓuɓu. Na waye amuzihira ata ɓuɓu lile lilagua, tsena lakoona.

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

MARKUSI 13:22

Mana v̄utsohima makristi ya trambo, tsena v̄utsohima watru watsodzifanyao amba washukidziwa marongozi; watsofanya ãlama za ãdjaɓu na midjuza, ile, neka trongo mukinishiha, wadanganye wale watsahuliwa na Mungu.

LUKASI 11:25

Ata lamowaswili, lilo uipara amba ihundzwa, irengeledzewa.

YUHANI 4:48

Insa amuambia: «Neka kamusuona ãlama za midjuza na za ãdjaɓu, v̄av̄o wanyu kamuamini.»

YUHANI 8:41

Wanyu ufanya zitrendro za ɓaɓanyu.» Wamudjiɓu: «Wasi tsi wana haramu. Rina Ɓaɓa moja tu, ne ɗe Mungu.»

YUHANI 8:44

Wanyu, ɓaɓanyu ɗe Iɓilisa, amwesa musutsaha mufanye mav̄endzeleo ya ɓaɓanyu. Uwo, rangu mwandro muangamifu, tsena kaparoka hari mwa ukweli, mana haheju kav̄u ukweli. Kula amorongoa trambo, waye urongoa ha uɗunga ihali yahe, mana waye munafiki, amwesa ɓaɓa wa trambo.

MAV̄INGIZI-RISALA 13:10

«He wawe wajaya kula hali ya udjandja na upeu, mwana wa Iɓilisa, ãduwi wa kula ilio haki! Hali v̄anu kutsolisha upoteza zindzia zaondzoha za Mola?

2 MAKORINTIYO 11:14

Na iyo tsi trongo ishangidzao, mana Shetwani waye-waye udzifanya malayika ya heu.

2 MAKORINTIYO 11:3

Ɓadi mauri ɗe inamuna inyoha yamudanganya Hawa ha udjandja wayo, nisuria amba koho la ãkili lanyu lasuje lalaɓiha, laɓauhana na uv̄umoja wa kweli tsena warahara wanyu na Kristi.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

2 TIMUTAUSU 3:8

Mauri ɗe Yanusu na Yambrusu wamukanyusa Musa, ɗe inamuna iyo wajau watru wao wakanyusao ikweli. Wao watru wendza ãkili zamenyeha walio amba hari mwa trongo ya uaminifu, wa hari mwa upotevu.

YAKOƁU 3:15

Hikima iyo tsi ɗe ilawao uju, ɓadi ya shiduniani, ya shiuɓinadamu, ya shiushetwani.

MUV̄ENULIO 12:17

Ɓasi v̄ale ishinyama ɓole ile ihadhaɓiha kinyume na umutrumushe, ilawa yawane kinyume na zilembwe zasalia zahe, wale wasika ãmuri za Mungu na uv̄inga ushahidi wa Insa.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

MUV̄ENULIO 18:23

iHeu ya likombe kaitsowala tsena haho, amwesa kav̄utsokilihana tsena haho ji la ɓwana-harusi, wala la mushe-harusi. Mana maɓahazazi yaho yaka ɗe uwaɓole wa ishiv̄andre ya tsi, na zinishani piya zidangamanyiha ha ugangi waho.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.

MUV̄ENULIO 20:10

Na Iɓilisa akowadanganya ne avutswa moni na lidzaha la moro na vu la shidzaha, v̄ahanu ishinyama mbovu na umushukidziwa-marongozi wa trambo walio. Watsotreswa uku na mutsana ha daima.

MUV̄ENULIO 9:11

Wana mufalume awatawaliao, ne ɗe imalayika ya Uzimu, ilio amba lidzina layo Shiheɓraniya|Muheɓraniya Aɓadoni, na Shigiriki lidzina Apoliyoni.