2 MATESALONIKA 2:7 - Ha`bari Ndjema ya I Maore

⁷ Mana iãdjaɓu ya uovu madza isurendreha; ilazimu tu amba uwo aiziao av̄asa, asuke.

2 MATESALONIKA 2:7 ပူးပေါင်းရင်းမြစ်များ

MAV̄INGIZI-RISALA 20:29

Nisujua amba ɓaanda itsokao amba tsilawa, mbwa nyeha kali za watru zitsongia hari mwanyu, watru walio amba kawatsov̄oreha ata hata liɓangwe.

2 MATESALONIKA 2:6

Na wanyu musujua iyo imuziao av̄asa, ile av̄enuhe wakati wahe wahetsiwa.

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

1 YUHANI 2:18

Wana wangu, ini ɗe isa ya mwiso. Mauri ɗe inamuna mwakia amba v̄wa Mukanyusha-Kristi ajao, ɓasi v̄anu v̄uhimi makanyusha-Kristi wengi. V̄av̄o risujua amba ini ɗe isa ya mwiso.

1 YUHANI 4:3

Na kula roho kaisumukuɓali Insa, iyo tsi ya shi Mungu; iyo ya shi Mukanyusha-Kristi mwakia amba asuja, tsena madza alio ulemenguni.

MUV̄ENULIO 17:5

Hari mwa uso wahe v̄uka v̄uangihwa dzina la shifumbo amba: Ɓaɓiluna uMuɓole, mama wa yamasusu na ngudhilifu za ishiv̄andre ya tsi.

MUV̄ENULIO 17:7

Ɓasi imalayika inidzisa: «Manatrini washanga? Nitsohuambia lifumbo lahusu umutrumushe na ishinyama mbovu imuv̄ingao iliona zizitswa saɓa na zinyonga kumi.