2 MATESALONIKA 2:2 - Ha`bari Ndjema ya I Maore

² musudzilishe mwaɓaɓanyisiwa ha upesi zifikira, wala mwahafilishiwa, neka ha marongozi ya shi mutrume yashukidziwa, au ha kalima, au ha ɓarua lirengwao mauri lilawa hatru, amba isuku ya umuregeo wa Raɓi iwaswili.

2 MATESALONIKA 2:2 ပူးပေါင်းရင်းမြစ်များ

MATIYO 24:24

Mana v̄utsohima makristi wa trambo, na wanafiki watsodzifanyao amba washukidziwa marongozi; watsofanya ãlama za midjuza ɓole na trongo za ãdjaɓu ile wadanganye, neka mukinishiha, ata wao watsahulwa.

MARKUSI 13:7

Mwamokia kondro na keme za kondro, musushange. Izo zilazimu zihidjiri, ɓadi raha uwo kautsoka amba ɗe umwiso.

LUKASI 21:19

Ha ustahamilifu wanyu mutsovukisha nafusi zanyu.»

LUKASI 21:9

Mwamokia haɓari za kondro na mitsutsuho, musuriye; mana trongo izo zilazimu zihidjiri raɓuzi, ɓadi uwo kautsoka kamwe ɗe umwiso.»

YUHANI 14:1

«Musuhafilihe iroho. Namuamini Mungu, muniamini na wami.

YUHANI 14:27

Nisumulishiani utrulivu wa roho, nisumuv̄ani utrulivu wangu; tsisumuv̄aniwo mauri ɗe inamuna ulemengu uv̄ao. Roho yanyu isuhafilihe, wala isuke na trisidzo.

1 MAKORINTIYO 1:8

Waye ɗe atsomuhodarishaoni tsena ata mupaka mwiso, ile musutuhumilwe na itsokao yotsi isuku ya Raɓi watru Insa-Kristi.

1 MAKORINTIYO 14:32

Roho za wajudzao marongozi ya shi mutrume yashukidziwa, za hari mwa ãmuri za wenyewe yamarongozi.

1 MAKORINTIYO 7:26

Ɓasi nisuona ɓorwa ha siɓaɓu ya zitaãɓu za wakati unu, ɓorwa ya mutru uɓaki heli alio.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

1 MATESALONIKA 3:3

v̄wasuke ata mutru ataharakishiwa ha siɓaɓu ya yamatreso yao muyaẽshio. Mana musujua wanyu-wanyu amba irilazimu riv̄ire v̄av̄o.

1 MATESALONIKA 4:15

Tsini ɓasi trongo rimuambiaoniyo, unu urongozi wa Raɓi: wasi wendza roho, wasi raha ritsoɓakio wakati wa umuregeo wa Raɓi, karitsotrangulia wao itsokao amba wafu.

1 MATESALONIKA 5:2

Mana wanyu-wanyu musujua ha uzuri amba isuku ya Raɓi itsoja mauri mwidzi ukwari.

2 MATESALONIKA 2:15

Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.

2 MATESALONIKA 3:17

Salamu lini nisuliangiha ha umuhono wangu wami Ɓaulusu. Unu ɗe umuhuri wangu hari mwa piya maɓarua yangu, iyo ɗe ihatwi yangu.

MUV̄ENULIO 19:20

iShinyama mbovu isikwa, na v̄umoja na wiyo ule akodzifanya amba ashukidziwa marongozi ya shi mutrume, ule alio amba akotsimidza mbeli zayo ãlama za midjuza zilio amba ha wizo akodanganya wale waka wapara iãlama ya ishinyama mbovu, tsena wakoãɓudu lisanamwe layo. Wao waili wavutswa na ziroho zawo moni na dzaha la moro v̄uvuao vu la shidzaha.