2 MAKORINTIYO 8:5 - Ha`bari Ndjema ya I Maore

⁵ Wafanya zaidi rahana izo rakofikiria. Wadziv̄a raɓuzi wao wenyewe ha Raɓi, iv̄o ha wasi, ha uɗunga yamav̄endzeleo ya Mungu.

2 MAKORINTIYO 8:5 ပူးပေါင်းရင်းမြစ်များ

MAROMU 12:1

Ɓasi wananyangu, ha siɓaɓu ya urehema wa Mungu, nisumutriani ɓari muelehe umwili wanyu ha Mungu amba kafara lilio hayi, twahara limujiv̄iao Mungu. Iyo ɗe ĩɓada ya kweli yamulazimuni.

MAROMU 6:13

Wala musuv̄elehe ziga za mwili zanyu zarumishia dhambi, zarendreha zombo za mbovu. Ɓadi namudziv̄e wanyu-wanyu mumurumishiye Mungu, amba watru mulio hayi mwalawa hari mwa ufa, tsena muv̄e ziga zanyu zike zombo zimurumishiao Mungu, zifanye zilio za haki.

1 MAKORINTIYO 1:1

Wami Ɓaulusu nahiriwa ha yamav̄endzeleo ya Mungu nike Muv̄ingizi-Risala wa Kristi-Insa, v̄umoja na umwananya wa shi uaminifu Sustani,

2 MAKORINTIYO 4:5

Kweli amba tsi ɗe wasi wenyewe ɗe ridzijudzao; risumujudza Insa-Kristi amba waye ɗe Raɓi, na wasi ra warumwa wanyu ha siɓaɓu ya Insa.

2 MAKORINTIYO 8:1

Wananyangu, risumujudzani ineema ya Mungu yadjaãliwa ziDjama Ndziwaminifu za Makadoniya.