2 MAKORINTIYO 7:8 - Ha`bari Ndjema ya I Maore

⁸ Wala ukana tsimutriani huzuni ha liɓarua langu, ne tsisuiona amba siɓaɓu ya ujutsa. Wala ukana tsika tsijutsu, mana nisuona amba liɓarua lile lika limutriani huzuni hari mwa mwana muda,

2 MAKORINTIYO 7:8 ပူးပေါင်းရင်းမြစ်များ

YUHANI 16:6

Ɓadi ha iv̄o namuambiani trongo zizo, roho yanyu ingiliwa na huzuni.

YUHANI 21:17

Amuambia ha mara ya raru: «Simoni, mwana wa Yunasi, usuniv̄endza?» Sa ile Monye aremwa na huzuni iv̄o amudzisa ha mara ya raru: «Hali usuniv̄endza?» Amudjiɓu: «Raɓi, wawe ujua piya trongo. Usujua amba nisuhuv̄endza.» Insa amuambia: «Tsunga maɓariɓari yangu.

2 MAKORINTIYO 7:11

Namuangaliye ɓasi itrongo huzuni iyo ijao ha uv̄endza ya Mungu yamuv̄ingiani: djitihadi trini, ɓari trini ya udzieledza, kiasi trini ya utukivu, trisidzo trini, ushauku mungav̄i, huɓa trini mulionayo hari mwa iĩɓada, zifungo jeje ɗe mwav̄a! Hari mwa kula v̄ahanu, muonesa uraharifu wanyu hari mwa trongo ile.

2 MAKORINTIYO 7:12

Ɓasi neka amba tsimuangishiani, tsi ha siɓaɓu ya umukosefu, wala umukosewa, ɓadi ile idjitihadi mulionayo na wasi, muv̄enushiweyo mbeli za Mungu.

2 MAKORINTIYO 7:6

Ɓadi Mungu, Monyewe utrulidza wao wapuha ɓari, aritrulidza ziroho ha umujilio wa Titusa,

2 MAKORINTIYO 7:7

wala tsi ɗe ha umujilio wahe tu ɓasi, ɓadi tsena ha umutrulidzio aupara hanyuju. Arijudza ushauku muɓole mulionawo, huzuni yanyu, na idjitihadi mulionayo na wami, ha namuna amba tsizidi ufurahi.

2 MAKORINTIYO 7:9

av̄asa nisujiv̄iwa, tsi ɗe iv̄o mwaka hari mwa huzuni, ɓadi ɗe iv̄o huzuni yanyu yamuv̄ingani mwendre toɓa. Mana muka mungia huzuni ha uv̄endza ya Mungu. Ha izo, karamudhuruni na itsokao yotsi.

MUV̄ENULIO 3:19

Wav̄endzewa wangu piya wami uwarudi na uwafundra. Ɓasi kana djitihadi, tsena wendre toɓa.