2 MAKORINTIYO 7:11 - Ha`bari Ndjema ya I Maore

¹¹ Namuangaliye ɓasi itrongo huzuni iyo ijao ha uv̄endza ya Mungu yamuv̄ingiani: djitihadi trini, ɓari trini ya udzieledza, kiasi trini ya utukivu, trisidzo trini, ushauku mungav̄i, huɓa trini mulionayo hari mwa iĩɓada, zifungo jeje ɗe mwav̄a! Hari mwa kula v̄ahanu, muonesa uraharifu wanyu hari mwa trongo ile.

2 MAKORINTIYO 7:11 ပူးပေါင်းရင်းမြစ်များ

MARKUSI 3:5

Ɓas, Insa av̄eleha matso yahe, awaangalia ha utukivu, akana huzuni ɓole ha siɓaɓu ya uhali wa ziroho zawo. Aambia mutru ule: «Ondzoa muhono waho.» Auondzoa, na muhono wahe urudi munono.

YUHANI 2:17

Sa ile maswihaɓa yahe yanahana amba v̄uangihwa: «iHuɓa nilionayo na inyumba yaho, mauri moro univudzao.»

MAV̄INGIZI-RISALA 17:16

Wakati Ɓaulusu akowalindra Atheni, iroho yahe iremwa na usongefu iv̄o aona amba liɗago lile lika lijaya na masanamwe.

MAROMU 11:20

Iyo kweli. Yakatrwa ha siɓaɓu ya ukosefu wa uaminifu wakati ulio amba wawe, ɗe ha uaminifu ɗe wasika. Ɓasi usudzione, ɓadi ilazimu uriye.

MAROMU 14:18

Uwo amurumishiao Kristi ha inamuna iyo, waye umujiv̄ia Mungu, tsena ukuɓaliwa na uwanadamu.

MAROMU 3:5

Ɓadi neka zimbovu zatru zisuv̄enua uhaki wa Mungu, v̄av̄o rirongowe trini? Amba Mungu tsi wa haki neka asuriãdhiɓisha ha zihadhaɓu zahe? (V̄av̄o nisulagua shiunadamu.)

1 MAKORINTIYO 12:25

ile pare v̄wasuke mutsapushiano hari mwa umwili, ɓadi piya ziziga ziv̄ingane ha usawa.

1 MAKORINTIYO 5:13

Wao walio v̄ondze, Mungu ɗe atsowanamuao. V̄uangihwa: «Namutowe umovu hari mwanyu.»

1 MAKORINTIYO 5:2

Na v̄av̄o musudziona! Tsi ɓorwa anga mwaka hari mwa usikitifu, ata mutru afanya taɓia iyo atolwa hari mwa wanyu?

2 MAKORINTIYO 13:7

Ɓasi risumia Mungu mwasufanye mbovu itsokao yotsi, tsi amba wasi ɗe rikuɓalishihe, ɓadi amba wanyu ɗe mufanye ilio ndjema, wala ukana wasi risuonehwa wa trambo.

2 MAKORINTIYO 2:6

Shifungo mutru uwo av̄olwayo na idjama, itosho,

2 MAKORINTIYO 6:4

Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu,

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

2 MAKORINTIYO 7:7

wala tsi ɗe ha umujilio wahe tu ɓasi, ɓadi tsena ha umutrulidzio aupara hanyuju. Arijudza ushauku muɓole mulionawo, huzuni yanyu, na idjitihadi mulionayo na wami, ha namuna amba tsizidi ufurahi.

2 MAKORINTIYO 7:9

av̄asa nisujiv̄iwa, tsi ɗe iv̄o mwaka hari mwa huzuni, ɓadi ɗe iv̄o huzuni yanyu yamuv̄ingani mwendre toɓa. Mana muka mungia huzuni ha uv̄endza ya Mungu. Ha izo, karamudhuruni na itsokao yotsi.

2 MAKORINTIYO 9:2

Madza nisujua idjitihadi yanyu, ilio amba tsimusifuni nayo mbeli za Wamakadoniya|Makadoniya amba: «iAkaya|Akaya ya tayari rangu mwaha jana.» Na idjitihadi yanyu imarusa wengi.

MAEFESO 4:26

Mwamongia hasera, musulishe hasera zanyu zamuv̄ingani mwaãswi, na jua lasutswe hari mwa hasera zanyu.

MAEFESO 5:11

musurenge fuvu hari mwa zitrendrwa za shidza zilio amba kazina faida, ɓadi ha kinyume namuziv̄enuwe.

MAFILIPI 2:12

Ha izo wav̄endzewa wangu, mauri ɗe inamuna dahari mwatuĩ, ɓila tsi tu amba namoka v̄umoja na wanyu, ɓadi zaidi av̄asa ilio amba tsisi na wanyu, namuendreleye utria ndziani ha hofu na staha uhuyifu wanyu.

1 MATESALONIKA 4:6

Hari mwa itrongo iyo, v̄usuke mutru akosa mwananya wa shi uaminifu, wala amurendra mbi, mana Mola uɗiv̄ia piya trongo zizo, mauri ɗe inamuna madza ramuambianiyo na umuhakikishani.

1 TIMUTAUSU 5:20

Wao waãswio, warudi mbeli za piya uwatru, pare wasalia wajau wariye.

2 TIMUTAUSU 2:15

Fanya djitihadi udzitekeleze mbeli za Mungu amba mutru akuɓalishiha, murumishi kasuonea haya, asomedzao ha uondzofu urongozi wa ikweli.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAHEƁRANIYA 4:1

Ɓasi iv̄o raha uwahadi wa ungia hari mwa uv̄umuzi wahe ulio v̄av̄o, narifahamu v̄usuke ata moja mengoni mwanyu amba kaupara,

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

1 MONYE 1:17

Na neka musumumia Mungu ha umuhira Ɓaɓa, Monyewe uhukumu kula mutru na zitrendro zahe ɓila uv̄endzelea, ɓasi namudziv̄inge v̄umoja na trisidzo wakati raha mulio shiv̄andreju mwa tsi.

1 MONYE 2:2

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu,

YUDA 1:23

wangina, namuwahuyi ha uwahanyuwa hari mwa moro; iv̄o na wangina, namukane poreho latsangana na trisidzo, muenge ata na zinguo zatrilwa tsama ha taɓia za shiuɓinadamu zawo.

MUV̄ENULIO 3:19

Wav̄endzewa wangu piya wami uwarudi na uwafundra. Ɓasi kana djitihadi, tsena wendre toɓa.