2 MAKORINTIYO 7:10 - Ha`bari Ndjema ya I Maore

¹⁰ Kweli amba huzuni ijao ha uv̄endza ya Mungu, iyo ufanya mutru andre toɓa, trongo iv̄ingao hari mwa uhuyifu, wala iyo kaitsongesha majitso, wakati ilio amba huzuni ya shi ulemengu uv̄inga hari mwa ufa.

2 MAKORINTIYO 7:10 ပူးပေါင်းရင်းမြစ်များ

MATIYO 26:75

Na Monye anahana zile Insa aka amuambia: «Kaɓula raha kukuyi kalayeha, utsonihara mara traru.» Ɓas, alawa v̄ondze, andre alili ha majitso.

LUKASI 15:10

Ɗe namuna iyo tsena ɗe nimuambiaoni amba v̄wa furaha hari mwa zimalayika za Mungu ha siɓaɓu ya muãswifu moja andra toɓa.»

LUKASI 18:13

Ɓadi muliv̄isa-latete ule alimbala mbali, kakosuɓutu ata udzua yamatso mbinguni. Akodzirema ishifuɓa ha huzuni na urongoa: ‹Mwalangu, niv̄orehe, wami muãswifu.›

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 3:19

Ɓasi namwendre toɓa, muparane na Mungu, ile madhambi yanyu yazimwe,

2 MAKORINTIYO 12:21

Nisuria amba uwaswili yangu, Mwalangu Mungu asunipatse aĩɓu raha mbeli zanyu, tsena naja nahuzunishiha ha siɓaɓu ya wengi hari mwa wao waãswi nyuma hule, wala kawandra toɓa na zitrendrwa za utshafi zawo, uzindzi na shahawa mbovu zangina raha.

2 MAKORINTIYO 7:9

av̄asa nisujiv̄iwa, tsi ɗe iv̄o mwaka hari mwa huzuni, ɓadi ɗe iv̄o huzuni yanyu yamuv̄ingani mwendre toɓa. Mana muka mungia huzuni ha uv̄endza ya Mungu. Ha izo, karamudhuruni na itsokao yotsi.

MAHEƁRANIYA 12:17

Musujua amba mbeli-mbeli oho ɓaanda akotsaha awarithi umuɓarikisho, aharaliwa; kashindra apara mugaudzio utsokao yotsi, wala ukana akoutsaha ha matsozi.