2 MAKORINTIYO 6:16 - Ha`bari Ndjema ya I Maore

¹⁶ Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

2 MAKORINTIYO 6:16 ပူးပေါင်းရင်းမြစ်များ

MATIYO 16:16

Simoni Monye adjiɓu: «Wawe ɗe Kristi, uMwana wa Mungu alio hayi.»

MATIYO 6:24

«Kav̄u mutru ashindrao arumishiye warumisa waili, mana au atsoenga umoja, av̄endze umoja, au atsodzifungamanisa na umoja, apuzise umoja. Kamushindri murumishia Mungu, mwarumishia na Mali.»

LUKASI 5:36

Awav̄a tsena mufano: «Kav̄usi mutru arandruao shipandre hari mwa nguo pia, aireme hari mwa nguo yaɗuha. Mana neka ɗe namuna iyo, atsorandrua inguo pia ile, na ishipandre pia airenga, kaitsolingana na inguo ile yaɗuha.

YUHANI 14:23

Insa amudjiɓu: «Neka mutru asuniv̄endza, atsosika urongozi wangu, tsena Ɓaɓangu atsomuv̄endza; ritsomujilia, amwesa ritsofanya makazi yatru hahe.

YUHANI 6:56

Mutru aɗyao umwili wangu, tsena anwao idamu yangu, waye uɓaki hari mwa uv̄umoja na wami, na wami hari mwa uv̄umoja na waye.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

MAROMU 9:26

Na tsena: «V̄ahanu v̄ale wakoambilwa: ‹Wanyu tsi umati wangu›, ɗe v̄ahanu kamwe watsohiriwao: ‹Wana wa Mungu alio hayi.› »

1 MAKORINTIYO 10:21

Kamushindri unwa hari mwa ishikombe ya Raɓi na ishikombe ya mazetwani; kamushindri renga fuvu hari mwa imeza ya Raɓi na imeza ya mazetwani.

1 MAKORINTIYO 6:19

Afa kamusujua amba umwili wanyu, uwo ɗe inyumba ndzitwaharifu ya iRoho Ndzitwaharifu ilio moni hanyu, tsena mwaipara ulawa ha Mungu? Wanyu tsi wanyu wenyewe.

MAEFESO 2:20

Muja muundrwa hari mwa umusingi wafanyiha ha yaMav̄ingizi-Risala|Mav̄ingizi-Risala na yimitrume, musingi ulio amba Insa-Kristi waye-waye ɗe liɓwe la nyongaju.

MAEFESO 2:22

Ɗe hari mwa uv̄umoja na waye, ɗe wanyu wajau mwaundrwa v̄umoja, pare muke makazi ya Mungu ayaketsiao ha iRoho.

MAEFESO 3:17

amba ha uaminifu Kristi aẽshi rohoni hanyu, na tsena amba musise mizi na uketsi hodari hari mwa itrongo ya uv̄endza,

1 TIMUTAUSU 3:15

Ɓadi neka nisuhoma, itsoka amba ha zini usujua inamuna ya udziv̄inga moni na idjama ya Mungu, ilio iDjama Ndziwaminifu ya Mungu alio hayi, ilio raha amba ɗe ingidzo na umusingi wa ukweli.

2 TIMUTAUSU 1:14

Sika ha iRoho Ndzitwaharifu iẽshio hatru iãkiɓa ndjema wadhwaminishiwayo.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.

YAKOƁU 4:5

Hali musufikiri amba uMuangishio usurongoa ɓure-ɓure amba: Mungu ana ushauku wa shi uwivu na iroho aiketsisa moni hatru?

1 MONYE 2:5

Na wanyu-wanyu mauri mawe yalio hayi, namurumishihe hari mwa liɓundro la nyumba ya shiroho, mukane urumishi mutwaharifu wa Utolezi-Masadaka, ile mutowe masadaka ya shiroho, yakuɓalishiha na Mungu, ha ndzia ya Insa-Kristi.

1 YUHANI 4:12

Kav̄u mutru aparomuona Mungu. Neka risuv̄endzana, Mungu uẽshi moni hatru, na uv̄endza yahe ukamilishiha moni hatru.

1 YUHANI 4:15

Uwo akuɓalio amba Insa ɗe uMwana wa Mungu, Mungu uẽshi hari mwa uv̄umoja na waye, na waye hari mwa uv̄umoja na Mungu.

MUV̄ENULIO 2:1

«Angishia imalayika ya iDjama Ndziwaminifu ya Efeso zini: Zini ɗe zirongolwao na uwo asikao zinyora saɓa hari mwa umuhono wa hume wahe, uwo andrao hari-hari na zizihetsi-kombe saɓa za dhahaɓu:

MUV̄ENULIO 21:3

Tsikia ulawa hari mwa ishiri ya ufalume ji lendza nguvu larongoa: «Tsini, makazi ya Mungu ya v̄umoja na uwanadamu. Atsoẽshi v̄umoja na wao, na wao watsoka umati wahe, na Mungu waye-waye atsoka na wao.

MUV̄ENULIO 21:7

Uwo ashindra, atsoarithi trongo zini. Nitsoka Mungu wahe, na waye atsoka mwana wangu.