2 MAKORINTIYO 6:14 - Ha`bari Ndjema ya I Maore

¹⁴ Musudzitriye hari mwa mulandza moja na watru tsi waaminifu. Mana muparano trini ujuao uke ɓaina ya uhaki na uovu? Au uv̄umoja trini ɓaina ya heu na shidza?

2 MAKORINTIYO 6:14 ပူးပေါင်းရင်းမြစ်များ

YUHANI 7:7

Dunia kalishindri muengani, ɓadi wami, lilo unienga, mana nisulilawia ushahidi amba zitrendro zalo za peu.

MAV̄INGIZI-RISALA 4:23

Ɓaanda wajeledzewa, Monye na Yuhani wandre wapara wanyawo, wawatolea hadisi piya trongo zile yaMatolezi Maɓole ya Masadaka|Matolezi Maɓole ya Masadaka na watru waɓole wale wawaambia.

1 MAKORINTIYO 10:21

Kamushindri unwa hari mwa ishikombe ya Raɓi na ishikombe ya mazetwani; kamushindri renga fuvu hari mwa imeza ya Raɓi na imeza ya mazetwani.

1 MAKORINTIYO 15:33

Musudzidanganye: «Uka v̄umoja na waovu, uangamidza taɓia ndjema.»

1 MAKORINTIYO 5:9

Tsimuangishiani hari mwa liɓarua langu amba musudziparanise na wao waliona taɓia za shahawa kazalazimu.

1 MAKORINTIYO 6:6

Ɓadi mwananya asushitaki mwananya, na iyo mbeli za watru tsi maaminifu!

1 MAKORINTIYO 7:39

Mutrumushe ufungamana na mume wahe piya uwakati mume wahe alio hayi. Ɓadi neka umutrumume aja afu, v̄av̄o ana nafasi ya ungia ndroloni na yotsi atsahao, naike tu amba uwo mwendza uaminifu na Raɓi.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

YAKOƁU 4:4

Wanyu wazindzi halisi! Afa kamusujua amba uwandzani na lidunia, uwo uãduwi na Mungu? Ɓasi mutru atsahao ake mwandzani wa lidunia, waye asudzifanya ãduwi wa Mungu.