2 MAKORINTIYO 5:17 - Ha`bari Ndjema ya I Maore

¹⁷ Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

2 MAKORINTIYO 5:17 ပူးပေါင်းရင်းမြစ်များ

MATIYO 12:33

«Muri ukuɓalishiha amba mwema neka mbia zawo za ndjema, ɓadi movu neka mbia zawo za mbovu. Mana muri ujulihana ha zimbia zawo.

MATIYO 24:35

uWingu na ishiv̄andre ya tsi zitsov̄ira, ɓadi marongozi yangu kayatsov̄ira.»

LUKASI 5:38

Ɓadi ilazimu trembo lajemwa av̄asa litrilwe moni na ziya za ngwezi pia.

YUHANI 14:20

Suku iyo mutsojua amba tsa moni ha Ɓaɓangu, na wanyu mwa moni hangu, tsena wami tsa moni hanyu.

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

YUHANI 15:5

Wami ɗe umuzaɓiɓu, wanyu ɗe yamarahi. Mutru aɓakio hari mwa uv̄umoja na wami, na wami niɓakio hari mwa uv̄umoja na waye, uwo uv̄inga mavuna mengi. Mana neka tsi na wami, kamushindri ufanya itsokao yotsi.

YUHANI 17:23

wami moni hawo, na wawe moni hangu, ile wakamilishihe hari mwa uv̄umoja, na ulemengu ujuwe amba univ̄eleha, tsena amba uwav̄endze, mauri ɗe inamuna waniv̄endza.

YUHANI 3:3

Sa ile Insa amudjiɓu: «Nisuhuambia ha kweli, neka mutru kadzalwa mara yangina raha, kashindri uona Utawalizi wa Mungu.»

YUHANI 3:5

Insa adjiɓu: «Nisuhuambia ha kweli, mutru kadzalwa ha maji na ha iRoho, kashindri ungia hari mwa Utawalizi wa Mungu.

MAROMU 16:10

Namumusalimu Aɓalus alio amba uaminifu wahe na Kristi udjereɓilwa, tsena udhiɓitishiha amba wa kweli. Namusalimu watru wa udjama wa Aristoɓulusu.

MAROMU 16:11

Namumusalimu mudjama zangu Herodiyana. Namusalimu watru wa umuraɓa wa Narkisi walio hari mwa uv̄umoja na Raɓi.

MAROMU 16:3

Namusalimu Priskila na Akila walio v̄umoja na wami ha umurumishia Kristi-Insa.

MAROMU 16:7

Namuwasalimu Andronikusu na Yuniyusa walio hari mwa udjama wangu, na tsena waka wanyangu shiv̄ani. Wao ustehiwa ha kusudi hari mwa yaMav̄ingizi-Risala|Mav̄ingizi-Risala, amwesa wamuamini Kristi kaɓula ya wami.

MAROMU 16:9

Namumusalimu Uruɓayinusa alio v̄umoja na wasi ha umurumishia Kristi, na Stahisa, mwandzani wa roho wangu.

MAROMU 7:6

Ɓadi av̄asa riɓuliwa mbeli za iSharia, mana rifu ha itrongo ile yakorifunga, ha namuna amba av̄asa risumurumishia Mungu ha utawalizi muv̄ia wa iRoho, ɓadi tsi ɗe ha indzia ya utawalizi wa hale, ne ɗe iSharia yaangihwa.

MAROMU 8:1

Av̄asa ɓasi kav̄u tsena hukuma ha wao walio hari mwa uv̄umoja na Kristi-Insa|Kristi.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 13:11

Wakati naka mwana, nakolagua shi mwana, nakofikiri shi mwana, nakofahamu shi mwana. Ata ufanyiha yangu muɓole, tsilishi shi unatsa ile.

2 MAKORINTIYO 12:2

Wami ujua mutru aliona uv̄umoja na Kristi, ina maha kumi na minne, hali aka hari mwa umwili wahe, au hali kaka, wami tsisujua, Mungu tu ɗe ajuao, namuna yotsi saɓu mutru uwo ahedzewa ata mupaka uwingu wa raru.

2 MAKORINTIYO 5:16

Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.

2 MAKORINTIYO 5:19

Mana Mungu aka ha Kristi, akoparanisa ulemengu na iwaye yahe, ɓila uangalia mahosa ya wanadamu, tsena atria hatruju urongozi wahusu umuparanisio.

2 MAKORINTIYO 5:21

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

MAGALATWIYA 3:28

Kav̄u tsena Muyahudi wala Mugiriki, au murumwa wala munafasina, kav̄u tsena mutruɓaɓa wala mutrumama, mana wanyu piyanyu mwa moja hari mwa uv̄umoja wanyu na Kristi-Insa.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

MAGALATWIYA 6:15

Mana ilio muhimu tsi ɗe amba mutru atahiriwa, au katahiriwa, ɓadi ilio muhimu ɗe uka shiumbe pia.

MAEFESO 2:10

Mana wasi ra ɓuumbio lahe, riumbwa hari mwa uv̄umoja na Kristi, pare rifanye zitrendro ndjema Mungu azitayarisha rangu kaɓula amba rizifanye.

MAEFESO 2:15

Azimi hatwi iSharia na ziãmuri zayo na masharutwi yazo, ile hari mwa uv̄umoja na iwaye yahe, afanye amba waili wale wake mutru moja muv̄ia ha ujisa iamani,

MAFILIPI 4:21

Namusalimu piya watwaharifu hari mwa uv̄umoja na Kristi-Insa. Wananya wa shi uaminifu walio na wami wamusalimuni.