2 MAKORINTIYO 5:11 - Ha`bari Ndjema ya I Maore

¹¹ Rangu rijuao itrongo ya umuria Raɓi, risutsaha riyakinishe wanadamu. Mungu ujua inamuna yatru, tsena nisutumaini amba moni na nafusi zanyu musuijua wajau.

2 MAKORINTIYO 5:11 ပူးပေါင်းရင်းမြစ်များ

MATIYO 10:28

Musuriye wao waulao mwili, wala kawashindri uula roho. Mutru alazimu mumuriye, ɗe uwo ashindrao aangamidze iroho na umwili moni na umoro wa Djahanama.

MATIYO 25:46

Ɓas, wao watsendra hari mwa ãdhaɓu ya daimani aɓada, ɓadi warahara wale hari mwa uhayati mukamilifu wa daima.»

LUKASI 12:5

Ɓadi nitsomueledzani uwo mwalazimu mumuriye: namuriye uwo alio amba ɓaanda aula, ana ushindzi wa uvutsa mutru moni na umoro wa Djahanama. Ha kweli nisumuambiani, uwo ɗe mwalazimu mumuriye!

LUKASI 16:31

Ɓadi Iɓrahima amudjiɓu: ‹Neka kawasuvulishia yimiangisihio ya Musa na ya yimitrume, kawatsoamini wala ukana v̄uwajilia mutru aregea hayi ha ulawa hari mwa uwafu.› »

MAV̄INGIZI-RISALA 13:43

iDjama ile wakati yatsapuha v̄ale, wengi wa Mayahudi na watru wasalia watuĩvu wakuɓali idini ya Uyahudi, wamuɗungu Ɓaulusu na Ɓarnaɓasi walio amba wakohadisi na wao na uwatria ɓari waketsi na ineema ya Mungu.

MAV̄INGIZI-RISALA 18:13

ha urongoa: «Mutru unu asusariɓia watru waãɓudu Mungu ha namuna kinyume na iSharia.»

MAV̄INGIZI-RISALA 18:4

Kula Suku ya Uv̄umuzi Ɓaulusu akoka hari mwa mahadisi moni na iNyumba ya Uswali na udjereɓu ayakinishe Mayahudi na Magiriki.

MAV̄INGIZI-RISALA 19:26

Na wanyu musuona na ukia amba tsi ɗe Efeso tu, ɓadi wengini mwa iAziya, Ɓaulusu uwo asuambia na udanganya watru wengi wayakinishe amba miungu yifanyiwao ha mihono ya wanadamu, yiyo tsi miungu.

MAV̄INGIZI-RISALA 26:26

Mufalume asujua trongo zizo, amwesa nisumulaguliazo ha unafasi; tsina yakini amba hari mwa trongo zini kav̄u kaiji, mana kazav̄ira ha siri.

MAV̄INGIZI-RISALA 28:23

Wafungu uparana suku, tsena waja ha uwengi zaidi wamupara nyumbani hahe v̄ale. Rangu asuɓuhi ata utswa ya lijua, Ɓaulusu awaeledza na uwatolea ushahidi Utawalizi wa Mungu, na uzunguha ulawa rangu iSharia ya Musa na yimitrume awav̄inge ata wakuɓali izo zahusuana na Insa.

2 MAKORINTIYO 2:17

Mana wasi karisi mauri watru wengi wafanyao ɓiashara urongozi wa Mungu; tsi jau, ɓadi ha umo warahara mbeli za Mungu, hari mwa uv̄umoja watru na Kristi, ɗe rilaguao amba watru wav̄elehwa na Mungu.

2 MAKORINTIYO 5:20

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAGALATWIYA 1:10

Ɓasi av̄asa, hali v̄anu nisutsaha muhakisho wa wanadamu, au wa Mungu? Hali nisutsaha nijiv̄idze wanadamu? Na djeli nakotsaha raha nijiv̄idze wanadamu, tsatsoka murumishi wa Kristi.

MAEFESO 5:21

Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.

MAHEƁRANIYA 10:31

Iyo trongo irisidzao, upuliha mihononi ha Mungu alio hayi.

MAHEƁRANIYA 12:29

Kweli amba Mungu watru, waye moro ukomesao.

YUDA 1:23

wangina, namuwahuyi ha uwahanyuwa hari mwa moro; iv̄o na wangina, namukane poreho latsangana na trisidzo, muenge ata na zinguo zatrilwa tsama ha taɓia za shiuɓinadamu zawo.

MUV̄ENULIO 20:15

Mutru yotsi kaparihana amba aangihwa moni na ishio ya uhayati, avutswa moni na lidzaha la moro.