2 MAKORINTIYO 4:10 - Ha`bari Ndjema ya I Maore

¹⁰ Risuv̄inga daima moni na umwili watru ufa wa Insa, pare uhayati wa Insa uv̄enuhe wajau mwiliju hatru.

2 MAKORINTIYO 4:10 ပူးပေါင်းရင်းမြစ်များ

YUHANI 14:19

Muda mushashi ɗe waɓaki, na ulemengu kautsoniona tsena, ɓadi wanyu mutsoniona. Iv̄o nilio hayi, wanyu wajau mutsoka hayi.

MAROMU 6:5

Kweli amba neka rifanyiha shitru shi moja na waye hari mwa ufa mauri ɗe wahe, v̄av̄o ritsofanyiha tsena shitru shi moja na waye hari mwa umuregezeo hayi mauri ɗe wahe.

MAROMU 6:8

Ɓadi neka rifu v̄umoja na Kristi, v̄av̄o rina uaminifu wa kusudi amba ritsoẽshi v̄umoja na waye wajau.

MAROMU 8:36

Mauri ɗe iheli yaangihwa hari mwa uMuangishio: «Ha siɓaɓu ya wawe risukaɓili ufa isuku kamili; risufanyisiwa na maɓariɓari yandrao yatsindzwe.»

2 MAKORINTIYO 1:5

Kweli amba mauri ɗe iheli matungu ya Kristi yazidishihao hatruju, ɗe inamuna iyo wajau mutrulidzio watru uzidishihao ha indzia ya Kristi.

2 MAKORINTIYO 1:9

Hatruju wasi, rakodziona amba watru wahukumulwa waulawe, ile rasuhetsi tama yatru hatruju, ɓadi ha Mungu aregezao hayi uwafu.

2 MAKORINTIYO 13:4

Mana kweli amba aulawa ha uremwa mizumari muriju mwa pawa|muri wa pawa hari mwa ulemevu wahe, ɓadi a hayi ha ushindzi wa Mungu. Wasi wajau ra walemevu ha uv̄umoja watru na waye, ɓadi ritsoẽshi v̄umoja na waye ha ushindzi wa Mungu hari mwanyu.

2 MAKORINTIYO 4:11

Mana wasi rilio hayi, ha daima risuv̄elehwa hari mwa hatwari ya ufa ha siɓaɓu ya Insa, pare uhayati wa Insa wajau uv̄enuhe hari mwa umwili mufa watru.

MAGALATWIYA 6:17

Rangu v̄anu, v̄usuke mutru anitaãɓisha, mana nisuv̄inga mwilini hangu ãlama za Insa.

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

2 TIMUTAUSU 2:11

Unu urongozi wa kweli: Neka amba rifu v̄umoja na waye, ritsoẽshi wajau v̄umoja na waye;

1 MONYE 4:13

Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 4:14

Neka musunaziwa ha siɓaɓu ya lidzina la Kristi, v̄av̄o muɓarikishiha, mana iRoho yendza utukufu ya Mungu ya hanyuju.

MUV̄ENULIO 1:17

Wakati namuona, tsipuliha mindruni hahe mauri tsifu. Sa ile anikadza umuhono wa hume wahe ha urongoa: «Usuriye! Wami ɗe nilio wa handra, amma wa hwisa,