2 MAKORINTIYO 3:3 - Ha`bari Ndjema ya I Maore

³ Iv̄enuha amba wanyu mwa ɓarua lalawa ha Kristi, ladhwaminishiwa urumishi watru; ɓarua lilio amba kalaangihwa ha nyongo, ɓadi ha iRoho ya Mungu alio hayi, wala kalaangihwa hari mwa maɓao ya mawe, ɓadi hari mwa maɓao ya mwili, hari mwa ziroho.

2 MAKORINTIYO 3:3 ပူးပေါင်းရင်းမြစ်များ

MATIYO 16:16

Simoni Monye adjiɓu: «Wawe ɗe Kristi, uMwana wa Mungu alio hayi.»

1 MAKORINTIYO 3:5

Afa Aɓulusu mwa, uwo mbani? Na Ɓaulusu ɗe mbani? Warumishi walio amba ha indzia yawo ɗe mwaja mwaamini, ha ikiasi Raɓi av̄a kula moja hari mwasi.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

2 MAKORINTIYO 3:7

Na neka urumishi wahusu ile iv̄ingao hari mwa ufa, shitru ilio amba ziharufu zayo zika ziangihwa hari mwa maɓao ya mawe, yakoja na utukufu ha namuna amba Maisraila kawakoshindra wahetsi matso yawo hari mwa isura ya Musa ha siɓaɓu ya utukufu wayo, wala ukana amba uka shitru muv̄ira,

2 MAKORINTIYO 6:16

Mukataɓa trini ulio ɓaina ya iNyumba Ndzitwaharifu ya Mungu na masanamwe? Kweli amba wasi ɗe makazi matwaharifu ya Mungu alio hayi. Mauri ɗe iheli Mungu arongoa: «Nitsoketsi hari mwawo, na uendra hari mwawo. Tsena nitsoka Mungu wawo, na wao watsoka umati wangu.»

1 MATESALONIKA 1:9

Mana watru wasurongoa husuana na wasi namuna jeje mwarirenga hanyu, na namuna jeje mwaɓuza ha Mungu ha udziɓausa na masanamwe, ile mumurumishiye Mungu alio hayi, tsena wa kweli,

MAHEƁRANIYA 10:16

«Tsunu umukataɓa|mukataɓa nitsoufungao na wao ɓaanda ya suku zizo, asurongoa Mola. Nitsotria Sharia zangu rohoni hawo, tsena nitsoziangiha fikirani hawo.»

MAHEƁRANIYA 8:10

Ne ɗe tsunu umukataɓa nitsoufungao na umuraɓa wa Israila ɓaanda ya suku zizo, asurongoa Mola. Nitsotria Sharia zangu fikirani hawo, nitsoziangiha rohoni hawo. Nitsoka Mungu wawo, amwesa watsoka umati wangu.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MUV̄ENULIO 2:1

«Angishia imalayika ya iDjama Ndziwaminifu ya Efeso zini: Zini ɗe zirongolwao na uwo asikao zinyora saɓa hari mwa umuhono wa hume wahe, uwo andrao hari-hari na zizihetsi-kombe saɓa za dhahaɓu:

MUV̄ENULIO 2:12

«Angishia imalayika ya iDjama Ndziwaminifu ya Pergamu zini: Zini ɗe zirongolwao na Monyewe ukana upanga utsindzao wendza nguso mbili:

MUV̄ENULIO 2:18

«Angishia imalayika ya iDjama Ndziwaminifu ya Tiyatira zini: Tsizini izo zirongolwao na uMwana wa Mungu, Uwo aliona matso mauri jenge la moro, na yimindru yifanao na shaɓa iv̄ev̄enao hari mwa moro.

MUV̄ENULIO 2:8

«Angishia imalayika ya iDjama Ndziwaminifu ya Smirna zini: Zini ɗe zirongolwao na Monyewe wa Handra, amma wa Hwisa, afa, amwesa aregea hayi.

MUV̄ENULIO 3:1

«Angishia imalayika ya iDjama Ndziwaminifu ya Sardesu zini: Zini ɗe zirongolwao na uwo aliona ziroho saɓa za shi Mungu na zinyora saɓa. Nisujua zitrendro zaho. Nisujua amba usurongolesheha amba wa hayi, ɓadi ufu.

MUV̄ENULIO 3:14

«Angishia imalayika ya iDjama Ndziwaminifu ya Laodiseya zini: Tsizini izo zirongolwao na iAmina|Amina, lishahidi dziaminifu, tsena la kweli, koho la liɓuumbio la Mungu.

MUV̄ENULIO 3:22

Mwendza makio nakiye izo iRoho aambiao ziDjama Ndziwaminifu.»

MUV̄ENULIO 3:7

«Angishia imalayika ya iDjama Ndziwaminifu ya shi Filadelfiya zini: Zini ɗe zirongolwao na Uwo alio Mutwaharifu amma Kweli, Monyewe ukana umufunguo wa Daudu, Monyewe aɓuao wala kav̄u aɓalao, tsena aɓalao wala kav̄u aɓuao.