2 MAKORINTIYO 3:12 - Ha`bari Ndjema ya I Maore

¹² Ɓasi ha iv̄o riliona utumainivu mauri ɗe uwo, rina uhodari wa kusudi.

2 MAKORINTIYO 3:12 ပူးပေါင်းရင်းမြစ်များ

YUHANI 10:24

Mayahudi yamuzingidzia, yamuambia: «Ata lini utsorilembedzao ziroho? Neka wawe ɗe uMutsahuliwa|Mutsahuliwa, riambiye dhwahiri!»

YUHANI 16:25

Tsimuambiani trongo zini ha mifano. Wakati usuja amba tsitsorongoa tsena na wanyu ha mifano, ɓadi nitsomujudzani dhwahiri trongo zahusu Ɓaɓa.

YUHANI 16:29

Sa ile maswihaɓa yahe yamuambia: «Tsini av̄asa usurongoa dhwahiri, wala kusurumia mifano.

MAV̄INGIZI-RISALA 14:3

Ɓas, Ɓaulusu na Ɓarnaɓasi waɓaki ɗagoni Ikoniyumu muda kiasi na wao wakolagua ha uhodari hari mwa uv̄umoja wawo na Raɓi, alio amba akodhiɓitisha ukweli wa urongozi wawo ju la ineema yahe ha uwakuɓalia v̄urendrehe ãlama za midjuza na trongo za ãdjaɓu ha yimihono yawo.

MAV̄INGIZI-RISALA 4:13

Wakati waona uhodari wa Monye na Yuhani, waremwa na ushangavu, mana wafahamu amba wao tsi watru wendza ĩlimu wala maãrifa. Wawafahamu iv̄o waka v̄umoja na Insa.

MAV̄INGIZI-RISALA 9:27

Ɓas, Ɓarnaɓasi amurenge, amuv̄ingi ha yaMav̄ingizi-Risala|Mav̄ingizi-Risala. Awajudza ha namuna jeje ndziani Saulusu amuona Raɓi alio amba alagua na waye, na inamuna Damasko hule akoĩdhia watru ha uhodari ha lidzina la Insa.

MAV̄INGIZI-RISALA 9:29

Tsena akolagua na uhadisi na wale wakorongoa Shigiriki. Ɓadi wao wakotsaha wamuule.

1 MAKORINTIYO 14:19

Ɓadi hari mwa iDjama Ndziwaminifu, wami uona ɓorwa nirongowe kauli tsano ha ifikira, ile nisomedze wasalia, rahana kauli alifu kumi ha luha yashukidziwa.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 3:11

Na neka iyo yakov̄ira na ndzia ika ija na utukufu, ha mara ngav̄i zaidi iyo iɓakio daima itsokao hari mwa utukufu?

2 MAKORINTIYO 4:13

Na ha iv̄o riliona roho wiyo-wiyo ya uaminifu na iyo yaangihwa amba: «Tsiamini, ɗe imana ata nalagua», ɓasi wasi wajau risuamini, ɗe imana ata rilaguao.

2 MAKORINTIYO 7:4

Tsina uaminifu muɓole na wanyu, tsena nisujiv̄iwa ha kusudi ha siɓaɓu ya wanyu. Tsijaya mutrulidzio. Hari-hari na piya taãɓu zatru, furaha yangu isutrisa.

MAFILIPI 1:14

Ha zifungo za silisili zangu ɗe uwengi wa wananya wa shi uaminifu wangia ɓari hari mwa uv̄umoja wawo na Raɓi, ata wasuɓutuo wajudze Urongozi wa Mungu ɓila trisidzo.

MAFILIPI 1:20

Trongo naiv̄a matso ha kusudi niitumainiao, ɗe amba tsitsoona haya na itsokao yotsi, ɓadi nike na uhodari watsimu, amba rangu av̄asa ata ha daima, Kristi atsotukuziwa mwilini hangu, neka tsa hayi, au neka tsifu.

MAKOLOSIYA 4:4

Ɓasi namunimiliye niirongowe mauri ɗe inamuna yalazimu niirongowe.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

1 TIMUTAUSU 3:13

Mana wao walio amba warumishia ha uzuri, wao udziparia ɓandza dzuzuri, na yakini yaswafishiha hari mwa uaminifu na Kristi-Insa.

FILIMUNA 1:8

Iyo ɗe imana, ata iv̄o hari mwa uv̄umoja na Kristi niliona furswa ya uhuãmurisha ufanye izo zalazimu,