2 MAKORINTIYO 2:3 - Ha`bari Ndjema ya I Maore

³ Tsiangiha namuna ile, pare namowaswili oho, nasutrilwe huzuni na wao walazimu wanifurahishe. Tsiyakinisha ha wanyu piyanyu amba ifuraha yangu, iyo yanyu piyanyu.

2 MAKORINTIYO 2:3 ပူးပေါင်းရင်းမြစ်များ

1 MAKORINTIYO 4:21

Trini ɗe muitsahao? Nije hanyu na shengwe, au v̄umoja na mahaɓa na roho ndzitrulivu?

2 MAKORINTIYO 1:15

Ɗe hari mwa iyakini iyo ɗe naka naãzimia nije raɓuzi nimuoneni, ile mupare muneemeshehe mara ya v̄ili.

2 MAKORINTIYO 1:23

Wami nisumurenga Mungu shahidi hari mwa uhayati wangu amba ɗe ha umuɓaliliani ɗe tsaregea Korintiyo.

2 MAKORINTIYO 12:11

Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

2 MAKORINTIYO 12:21

Nisuria amba uwaswili yangu, Mwalangu Mungu asunipatse aĩɓu raha mbeli zanyu, tsena naja nahuzunishiha ha siɓaɓu ya wengi hari mwa wao waãswi nyuma hule, wala kawandra toɓa na zitrendrwa za utshafi zawo, uzindzi na shahawa mbovu zangina raha.

2 MAKORINTIYO 13:10

Iyo ɗe imana ata iv̄o tsisi v̄umoja na wanyu niangihao zizo, ile pare wakati nitsokao, ike amba tsi paka nirumiye uhali walingana na iyezi Raɓi aniv̄a amba ya uhodarisha, ɓadi tsi ya uangamidza.

2 MAKORINTIYO 2:9

Madhumuni yangu raha ata namuangishiani, ɗe wami utsaha nidhiɓitishe neka mwa watuĩvu hari mwa piya zitrongo.

2 MAKORINTIYO 7:12

Ɓasi neka amba tsimuangishiani, tsi ha siɓaɓu ya umukosefu, wala umukosewa, ɓadi ile idjitihadi mulionayo na wasi, muv̄enushiweyo mbeli za Mungu.

2 MAKORINTIYO 7:16

Nisufurahi iv̄o nishindrao nimuv̄eni uaminifu hari mwa piya.

2 MAKORINTIYO 7:6

Ɓadi Mungu, Monyewe utrulidza wao wapuha ɓari, aritrulidza ziroho ha umujilio wa Titusa,

2 MAKORINTIYO 7:8

Wala ukana tsimutriani huzuni ha liɓarua langu, ne tsisuiona amba siɓaɓu ya ujutsa. Wala ukana tsika tsijutsu, mana nisuona amba liɓarua lile lika limutriani huzuni hari mwa mwana muda,

2 MAKORINTIYO 8:22

Risuv̄eleha v̄umoja na wao mwananyatru wa shi uaminifu alio amba aridhiɓitisha ha mara nyengi na trongo nyengi idjitihadi yahe. Na v̄anu tsena asuzidi uiv̄enua ha uaminifu muɓole alionawo na wanyu.

MAGALATWIYA 5:10

Wami yangu, hari mwa uv̄umoja watru na Raɓi, tsina uaminifu na wanyu amba kamutsofikiri namuna yangina. Ɓadi mutru amumenyaoni zifikira, neka ɗe mbani au mbani, atsopara zifungo.

2 MATESALONIKA 3:4

Ha uv̄umoja watru na Raɓi, risuyakinisha amba musufanya, tsena mutsofanya raha izo ramuambianizo.

FILIMUNA 1:21

Ɗe ha uaminifu wa utuĩvu waho ɗe nihuangishiao, tsena ha ujua amba utsofanya zaidi ya izo nitsahao.