2 MAKORINTIYO 2:11 - Ha`bari Ndjema ya I Maore

¹¹ ile rasumulishe Shetwani arishindra, mana risujua mipango yahe.

2 MAKORINTIYO 2:11 ပူးပေါင်းရင်းမြစ်များ

MATIYO 4:10

Sa ile Insa amuambia: «Lawa v̄anu Shetwani! Mana v̄uangihwa: ‹Utsomuãɓudu Mwalaho Monyezi Mungu, na umurumishia ɗe waye tu ɓas.› »

LUKASI 22:31

Amwesa Raɓi arongoa: «Monye, mudjemazangu Monye, nisuhuambia, Shetwani atsaha amusekweni, mauri mutru av̄erao mele.

YUHANI 13:2

Na v̄ale, wakati wa shahula ya mahariɓi, Iɓilisa madza aka atria rohoni ha Yudasi Iskarioti, mwana wa Simoni, ifikira ya umuv̄iria nyuma.

MAV̄INGIZI-RISALA 1:25

ile pare arenge fungu hari mwa uurumishi wa uv̄inga iRisala, ɓandza Yudasi alilisha andra hari mwa lahe lamulazimu.»

1 MAKORINTIYO 7:5

Musuharaliane hadja za umwili wanyu neka tsi ha uafikiana hari mwa wakati, ile mukane nafasi ya mamilio. Amwesa murudi v̄umoja raha, pare Shetwani asuje amudjereɓuni ha siɓaɓu ya ukosefu wanyu wa ushindra udzizia.

2 MAKORINTIYO 11:14

Na iyo tsi trongo ishangidzao, mana Shetwani waye-waye udzifanya malayika ya heu.

2 MAKORINTIYO 11:3

Ɓadi mauri ɗe inamuna inyoha yamudanganya Hawa ha udjandja wayo, nisuria amba koho la ãkili lanyu lasuje lalaɓiha, laɓauhana na uv̄umoja wa kweli tsena warahara wanyu na Kristi.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

MUV̄ENULIO 13:8

Na piya wakazi wa shiv̄andreju mwa tsi watsoiãɓudu, wao walio amba madzina yawo kayaangihwa rangu uumuumbio wa lidunia hari mwa ishio ya uhayati ya uMwana Ɓariɓari aka atsindzwa.

MUV̄ENULIO 2:24

Ɓadi yahusu wanyu piya wangina wa shi Tiyatira kamwaɗunga musomo uwo, wala kamwaparojua ‹zilindri za Shetwani›, mauri ɗe inamuna warongoao, ɓasi nisurongoa amba tsisumutrihisani mudzo wangina.