2 MAKORINTIYO 12:9 - Ha`bari Ndjema ya I Maore

⁹ Na waye aniambia: «iNeema yangu isuhutosha, mana ushindzi wangu ukamiliha hari mwa ulemevu.» Ɓasi v̄av̄o nisuona ɓorwa nidziɓuwe na zingulemevu zangu, ile ushindzi wa Kristi uke hangu.

2 MAKORINTIYO 12:9 ပူးပေါင်းရင်းမြစ်များ

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

LUKASI 21:15

Mana nitsomuv̄ani yamarongozi na ihikima, zilio amba piya wao walio kinyume na wanyu, kawatsoshindra wamukilimbiani au wamukanyushani.

1 MAKORINTIYO 10:13

Kav̄usi djariɓu lamuparani lashilidzia uɓinadamu. Na Mungu, waye muaminifu. Katsoruhusu mwadjereɓiwa ha uzidisha izo mushindrao. Ɓadi v̄umoja na lidjariɓu, atsohetsi wajau ndzia ile mushindre mulistahamili.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

1 MAKORINTIYO 2:3

Wami-wami uka yangu hanyu, tsikana ulemevu na faza, tsena na mudridrimio wendza nguvu.

1 MAKORINTIYO 2:5

ile uaminifu wanyu usuketsi hari mwa ihikima ya shiuɓinadamu, ɓadi hari mwa ushindzi wa Mungu.

2 MAKORINTIYO 11:30

Neka v̄wa ya udziɓua, ɗe ha ulemevu wangu ɗe nitsodziɓuao.

2 MAKORINTIYO 12:1

Ilazimu nidziɓuwe, wala ukana kaina faida. Ɓasi av̄asa nisuja nilaguwe yahusu zinida na yimiv̄enulio nadjaãliwa na Raɓi.

2 MAKORINTIYO 12:10

Iyo ɗe imana amba wami ufurahi hari mwa zingulemevu, hari mwa zinaza, hari mwa yamaondo, yamatreso na zitaãɓu ha siɓaɓu ya Kristi. Mana namoka mulemevu, v̄av̄o ɗe nikao na nguvu.

2 MAKORINTIYO 12:15

Na wami nitsotoa ha umo warahara, tsena nitsodzitoa ata iwami yangu ha tanafu yanyu. Hali neka nisuv̄iria umuv̄endzani, v̄av̄o nitsov̄endzewa ha ushashi?

2 MAKORINTIYO 12:5

Nitsodziɓua na mutru mauri ɗe uwo, ɓadi tsitsodziɓua na iwami yangu, neka tsi ɗe na zingulemevu zangu.

MAEFESO 3:16

Nisumumia amba ha utadjirifu wa utukufu wahe amudjaãliyeni ushindzi ha iRoho yahe, ile pare uutru wa moni hanyu uhodarishihe,

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.

MAKOLOSIYA 1:11

amwesa raha muhodarishihe hari mwa piya zitrongo, ha inguvu ndzitukufu yahe, ile mukane ustahamilifu na suɓira hari mwa piya, tsena ha furaha.

1 TIMUTAUSU 1:14

Na urehema wa Raɓi watru uzidishiha, v̄umoja na uaminifu na uv̄endza ulio ha Kristi-Insa.

MAHEƁRANIYA 11:34

wazimi ushindzi wa moro, watrala mutsindzio wa upanga, wafanyiha wahodari ata wav̄iria ulemevu wawo, wahodarishiha kondroni, tsena watradza madjeshi wadjeni.

MAHEƁRANIYA 4:16

Ɓasi narijiliye v̄umoja na yakini ishiri ya yezi ya urehema, ile ripare poreho na urehema, risaidiwe hari mwa uwakati walazimu.