2 MAKORINTIYO 12:4 - Ha`bari Ndjema ya I Maore

⁴ au neka aka ahedzewa pev̄oni, akia marongozi kayashindri urongolesheha, yalio amba kayaruhusiwa shiumbe mwanadamu itsokao yotsi ayarongoa.

2 MAKORINTIYO 12:4 ပူးပေါင်းရင်းမြစ်များ

LUKASI 23:43

Ɓas, amudjiɓu: «Nisuhuambia ha kweli, leo v̄anu utsoka pev̄oni v̄umoja na wami.»

MAV̄INGIZI-RISALA 8:39

Ulawa yawo majini v̄ale, iRoho ya Mola imurenge Filiɓusa, ata mutru ule kamuona tsena. Aɗungu indzia yahe ha furaha ɓole.

1 MAKORINTIYO 13:1

Wala ukana neka nisulagua ziluha za wanadamu na za malayika, ne tsisina mahaɓa, v̄av̄o tsa garando livumao, au keme za kengele.

2 MAKORINTIYO 12:2

Wami ujua mutru aliona uv̄umoja na Kristi, ina maha kumi na minne, hali aka hari mwa umwili wahe, au hali kaka, wami tsisujua, Mungu tu ɗe ajuao, namuna yotsi saɓu mutru uwo ahedzewa ata mupaka uwingu wa raru.

1 MATESALONIKA 4:17

Ɓaanda ya v̄av̄o wasi ritsoɓakio hayi ritsorengwa v̄umoja na wao mavinguni, ramupare Raɓi hawani. Na ha izo, daima ritsoka v̄umoja na Raɓi.

MUV̄ENULIO 12:5

Aja adza mutruɓaɓa, mwana mume, akoja atsunge piya zinishani ha tsimbo ya shuma. Na umwana wahe av̄elehwa ha Mungu na ishiri ya ufalume yahe.

MUV̄ENULIO 2:7

Mwendza makio nakiye izo iRoho aambiao ziDjama Ndziwaminifu! Ha uwo ashindra, nitsomuv̄a aɗye mavuna ya umuri wa uhayati ulio hari mwa ipev̄o ya Mungu.»