2 MAKORINTIYO 12:21 - Ha`bari Ndjema ya I Maore

²¹ Nisuria amba uwaswili yangu, Mwalangu Mungu asunipatse aĩɓu raha mbeli zanyu, tsena naja nahuzunishiha ha siɓaɓu ya wengi hari mwa wao waãswi nyuma hule, wala kawandra toɓa na zitrendrwa za utshafi zawo, uzindzi na shahawa mbovu zangina raha.

2 MAKORINTIYO 12:21 ပူးပေါင်းရင်းမြစ်များ

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAROMU 9:2

amba v̄anu tsina huzuni ɓole na utungu kausukoma rohoni hangu.

1 MAKORINTIYO 5:1

Na v̄anu v̄usurongolwa kula v̄ahanu amba v̄wa shahawa endza ulaãnifu hari mwanyu, aina ya shahawa ilio amba kaiparihwana ata ha watru wa zinishani zangina kazimuji Mungu, ha namuna amba moja hari mwanyu a na umutrumushe wa ɓaɓahe.

2 MAKORINTIYO 10:6

Tsena wasi ra tayari ya uv̄ondra kula shitrendrwa kaisi twaã, wakati itsokao amba utuĩvu wanyu wa mukamilifu.

2 MAKORINTIYO 12:7

Na ha iv̄o miv̄enulio yiyo yaka ya midjuza, ha uniɓalidza wami udziɓua, tsika tsitriliwa muɓa moni na umwili, wakala wa Shetwani amba anireme, ile nasudziɓuwe.

2 MAKORINTIYO 13:2

Uka yangu na wanyu ha imara ya v̄ili, madza tsiirongoa, na leo ilio amba tsisi, nisuirongoa raha rangu kaɓula ha wao waãswi nyuma hule, na piya wao waɓaki: namoregea hanyu, tsitsosikinia mutru atsokao yotsi,

2 MAKORINTIYO 8:24

Ha izo, mbeli za ziDjama Ndziwaminifu, namuv̄e udhiɓitifu wa uv̄endza yanyu, tsena amba rikana haki ya udziɓua mbeli zawo ha siɓaɓu ya wanyu.

MAGALATWIYA 5:19

Na zitrendro za shiuɓinadamu, izo uonehana dhwahiri: uzindzi, utshafi, upeu watupa,

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.

MAHEƁRANIYA 13:4

Ndrolo naistehiwe na piya, na ishitrandra ya ndrolo yasutrilwe tsama ya shihawara, mana Mungu atsohukumu wendza shahawa mbovu na wazindzi.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

YUDA 1:23

wangina, namuwahuyi ha uwahanyuwa hari mwa moro; iv̄o na wangina, namukane poreho latsangana na trisidzo, muenge ata na zinguo zatrilwa tsama ha taɓia za shiuɓinadamu zawo.

YUDA 1:7

Ɗe inamuna iyo Suduma na Gomora na yamalago madjirani yakofanya mauri yao taɓia za shahawa za peu, ha ufanya maendreleo tsi ya ãswili. Wao wa hari mwa shiv̄ondro ya moro wa dahari, na uwo mufano ha piya.

MUV̄ENULIO 21:8

Ɓadi wao tsi watru wasuɓutu, wao tsi maaminifu, watshafi, maula, wendza taɓia, wafanyizi-utsayi, maãɓudu-masanamwe, na piya wanafiki, fungu lawo litsoka moni mwa lidzaha la moro livudzao na vu la shidzaha: uwo ɗe ufa wa v̄ili.»

MUV̄ENULIO 22:15

Na v̄ondze oho ɗe wanadamu mbwa, watsayi, wendza taɓia za shahawa kazalazimu, maula, maãɓudu masanamwe, na yotsi av̄endzao na ufanya unafiki.

MUV̄ENULIO 22:20

Monyewe ulawia ushahidi trongo zini asurongoa: «Ewa, nisuja tsi hale.» Amina. Ko, Raɓi Insa.