2 MAKORINTIYO 12:14 - Ha`bari Ndjema ya I Maore

¹⁴ Tsami tsa tayari ha mara ya raru ya uja hanyu, wala tsitsoka hari mwa lidjukuma lanyu. Mana tsisutsaha iyo mulionayo, ɓadi nisumutsahani ɗe wanyu. Wanatsa tsi ɗe walazimu wahetsiye ãkiɓa wadzaɗe wawo, ɓadi uwadzaɗe ɗe wahetsiye uwanatsa.

2 MAKORINTIYO 12:14 ပူးပေါင်းရင်းမြစ်များ

MAV̄INGIZI-RISALA 20:33

Tsakotumaini fedha, wala dhahaɓu, wala nguo ya mutru atsokao yotsi.

1 MAKORINTIYO 10:24

V̄usuke ata mutru atsahe faida yahe monyewe, ɓadi ɗe faida ya munyahe.

1 MAKORINTIYO 10:33

mauri ɗe wami wajau namuna nitsahao nijiv̄idze piya watru hari mwa piya zitrongo, wala tsi ha utsaha faida yangu monyewe, ɓadi ya uwengi, ile wahuyiwe.

1 MAKORINTIYO 11:34

Neka v̄wa aliona ndza, naɗye hahe, ile ungulidzana yanyu, isumuv̄ingiyeni hukuma. Zaɓaki, nitsozirengeledza wakati nitsowaswilio.

1 MAKORINTIYO 16:5

Nitsoja nimuoneni ɓaanda itsokao amba tsiv̄iri Makadoniya, mana kweli amba nitsov̄ira Makadoniya.

1 MAKORINTIYO 4:19

Ɓadi tsi hale nitsoja hanyu, neka ɗe mav̄endzeleo ya Raɓi; na v̄av̄o nitsojua, tsi ɗe marongozi, ɓadi ushindzi wa wale wadzirendrao.

1 MAKORINTIYO 9:12

Neka wasalia wana ruhusa ya upara fungu hanyu, ɓasi wasi karisinayo zaidi rahana wao? Ɓadi kararumia ruhusa iyo. Ɗe ikinyume, risustahamili piya ile rasutriye kale iIndjili ya Kristi.

1 MAKORINTIYO 9:18

Ɓasi shiliv̄o yangu ɗe iv̄i? Ɗe wami utamania ɓure-ɓure iIndjili niijudzao, wala tsi ha urumia ukamilifu wa zihaki nastahikiwa hari mwa iIndjili iyo.

1 MAKORINTIYO 9:19

Wala ukana amba tsina unafasi mbeli za piya, tsidzifanya murumwa wa piya, ile nivune ha uwengi zaidi.

2 MAKORINTIYO 1:15

Ɗe hari mwa iyakini iyo ɗe naka naãzimia nije raɓuzi nimuoneni, ile mupare muneemeshehe mara ya v̄ili.

2 MAKORINTIYO 11:9

Na wakati nakokosewa uka yangu v̄umoja na wanyu, tsakotsaha hadja ha mutru atsokao yotsi, mana wananya wa shi uaminifu waja ulawa Makadoniya, waka waniv̄ingia izo zaka zanikosea. Ha kula namuna tsidziɓalidza uka mudzo hanyuju, tsena nitsodziɓalidza nayo.

2 MAKORINTIYO 12:13

Hari mwa trini ɗe mwaka mwav̄unguha rahana ziDjama Ndziwaminifu zasalia, neka tsi amba wami tsaka djukumani hanyu? Namuniswamihi na likosa lilo!

MAGALATWIYA 4:19

Wana wangu mulio amba tsina utungu wa madzazi raha na wanyu, ata mupaka Kristi afanyishihe moni hanyu!

MAFILIPI 4:1

Ha izo, wananya wav̄endzewa wangu, wanyu mulio amba tsina hamu na wanyu, wanyu mulio furaha yangu tsena hishima yangu, namuke watru wasika hari mwa uv̄umoja na Raɓi, wandzani wa roho wangu.

MAFILIPI 4:17

Tsi amba nisuzunguha musada; ɓadi iyo niitsahao, ɗe mavuna yazidishihao ha faida yanyu.

1 MATESALONIKA 2:11

Mana musujua amba rika ha kula moja hari mwanyu mauri ɓaɓa ha wana wahe;

1 MATESALONIKA 2:8

Ha uv̄endza rilionayo na wanyu, rakojiv̄iwa rimuv̄eni tsi tu amba iHaɓari Ndjema ya Mungu, ɓadi tsena ata ziroho zatru, ha ikiasi mwaka mwafanyiha wav̄endzewa hatruju.