2 MAKORINTIYO 11:1 - Ha`bari Ndjema ya I Maore

¹ Na djeli tu amba mwakoshindra munistahamilia mwana ujinga tsuwo! Ewa, namunistahamili!

2 MAKORINTIYO 11:1 ပူးပေါင်းရင်းမြစ်များ

MATIYO 17:17

Ɓas, Insa arongoa: «He wanyu mwalaɓiha, kamuna uaminifu wa lidunia la leo lini! Ata lini nitsokao na wanyu? Ata lini nitsomustahamilioni? Namuniv̄ingiyewo v̄anu.»

MAV̄INGIZI-RISALA 18:14

Ɓas, wakati Ɓaulusu aandrisa uɓua ihanyo yahe, na Galiyo aambia yaMayahudi: «Na djeli ika trongo ya ukatili au shitrendrwa mbovu halisi, natsomuvulishiani wanyu Mayahudi, mauri ɗe namuna yalazimu.

MAV̄INGIZI-RISALA 26:29

Ɓaulusu amudjiɓu: «Neka shashi au nyengi, nisumia Mungu ike amba tsi ɗe wawe tu, ɓadi na piya wao wanivulishiao leo ini mugauhe mauri ɗe wami, ila ɗe silisili zini.»

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

1 MAKORINTIYO 4:10

Wasi ra wajinga ha siɓaɓu ya Kristi, ɓadi wanyu muna hikima hari mwa uv̄umoja wanyu na Kristi; wasi ra walemevu, ɓadi wanyu muna nguvu; wanyu musuv̄olwa hishima, ɓadi tsi wasi.

1 MAKORINTIYO 4:8

Madza mukurisiwa! Madza mutadjirisiwa! Musutawala ɓila wasi! Na djeli amba mwakotawala ha kweli! V̄av̄o wasi wajau ratsotawala v̄umoja na wanyu!

2 MAKORINTIYO 11:19

Musustahamili ha uzuri uwajinga, wanyu mulio wendza ãkili!

2 MAKORINTIYO 11:21

Nisumuambiani, iyo aĩɓu hatru, wasi rika wambamba hari mwa trongo zile! Kula iyo mutru asuɓutuo adziɓuwe nayo, na v̄av̄o nisulagua shi mujinga, wami wajau uisuɓutu.

2 MAKORINTIYO 11:4

Mana neka v̄uja mutru asumujudzani Insa wangina ɓadi tsi ɗe ule ramujudza, au neka musupara roho yangina ɓadi tsi ɗe ile mwaipara, au tsena Haɓari Ndjema yangina na ile mwaikuɓali, wanyu uistahamili ha uzuri.

2 MAKORINTIYO 12:11

Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

2 MAKORINTIYO 5:13

Mana neka amba rifanyiha wajinga, ɗe ha tanafu ya Mungu, na neka rina ãkili zatru, ɗe ha tanafu yanyu.

MAHEƁRANIYA 5:2

Waye ushindra aelewe wao walio amba kawaji, tsena walatsiha, iv̄o ilio amba waye-waye ne mulemevu.