2 MAKORINTIYO 10:18 - Ha`bari Ndjema ya I Maore

¹⁸ Mana tsi ɗe ule adzisifuo ɗe akuɓalishihao, ɓadi ɗe ule Raɓi amusifuo.

2 MAKORINTIYO 10:18 ပူးပေါင်းရင်းမြစ်များ

LUKASI 16:15

Ɓadi Insa awaambia: «Wanyu watru watsahao waonehane amba warahara mbeli za wanadamu, ɓadi Mungu ujua roho zanyu. Mana iyo iliona sheo mbeli za uwanadamu, ilaãnishiha mbeli za Mungu.»

YUHANI 12:43

Mana wakov̄endza sifa za wanadamu rahana sifa za Mungu.

MAV̄INGIZI-RISALA 2:22

«Ha izo, wanyu Maisraila|Israila, namuvulishiye marongozi yanu: Mungu amudhiɓitishani umutsahulio wa Insa wa Nazareti, ha utsimidza ha indzia yahe midjuza, ãdjaɓu, na ãlama za midjuza mbeli zanyu, mauri ɗe inamuna wanyu wenyewe mujuao.

MAROMU 14:18

Uwo amurumishiao Kristi ha inamuna iyo, waye umujiv̄ia Mungu, tsena ukuɓaliwa na uwanadamu.

MAROMU 16:10

Namumusalimu Aɓalus alio amba uaminifu wahe na Kristi udjereɓilwa, tsena udhiɓitishiha amba wa kweli. Namusalimu watru wa udjama wa Aristoɓulusu.

MAROMU 2:29

Ɓadi uMuyahudi ɗe wa moni, na utahiriwa ɗe wa iroho, trongo ifanyiwao na iRoho Ndzitwaharifu, wala tsi ha ulingana na shitru yaangihwa. Sifa ya mutru mauri ɗe uwo kailawa ha wanadamu, ɓadi ha Mungu.

1 MAKORINTIYO 11:19

Kweli amba ilazimu v̄uke mifaraka hari mwanyu, ile waaminifu wa kweli hari mwanyu, wav̄enuhe.

1 MAKORINTIYO 4:5

Ɓasi, musutowe unamuzi kaɓula ya uwakati wahetsiwa, kaɓula ya umujilio wa Raɓi atsotoao heuni izo zadzama shidzani na uonesa dhwahiri zinia zilio rohoni. V̄av̄o kula mutru atsopara ulawa ha Mungu sifa yamustahiki.

2 MAKORINTIYO 10:12

Karitsosuɓutu radzilinganisa au radzifanisa na ɓaãdhwi ya wao wadzisifuo wenyewe, ne ɗe iv̄o wadzirengao amba wao wenyewe ɗe ishiv̄imo, na udzifanisa na wao wenyewe, wao ukosewa na ãkili.

2 MAKORINTIYO 13:7

Ɓasi risumia Mungu mwasufanye mbovu itsokao yotsi, tsi amba wasi ɗe rikuɓalishihe, ɓadi amba wanyu ɗe mufanye ilio ndjema, wala ukana wasi risuonehwa wa trambo.

2 MAKORINTIYO 3:1

Hali v̄av̄o risuandrisa tsena udzisifu wasi wenyewe? Au paka rike mauri ɓaãdhwi amba na maɓarua ya uriaminisha hanyuju, au yalawa hanyu?

2 MAKORINTIYO 5:12

V̄anu karisudziaminisa mbeli zanyu raha, ɓadi risumuv̄ani furswa ya udziɓua ha siɓaɓu ya wasi, ile mushindre mudjiɓu wao wadziɓuao na zile zionehanao, ɓadi tsi na zilio rohoni.

2 MAKORINTIYO 6:4

Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu,

2 TIMUTAUSU 2:15

Fanya djitihadi udzitekeleze mbeli za Mungu amba mutru akuɓalishiha, murumishi kasuonea haya, asomedzao ha uondzofu urongozi wa ikweli.

1 MONYE 1:7

Yao yaja ile yav̄ime ukweli wa uaminifu wanyu, uaminifu uliona faida rahana dhahaɓu ndziangamivu, wala ukana iyo udhiɓitishiwa ha moro. Na uaminifu wanyu uwo ɓaanda wadhiɓitishiwa, ufanyiha siɓaɓu ya sifa, utukufu na hishima wakati wa umuv̄enulio wa Insa-Kristi