2 MAKORINTIYO 1:22 - Ha`bari Ndjema ya I Maore

²² Waye ɗe aritria umuhuri wahe, tsena waye ɗe atria rohoni hatru iRoho, ile ike fungu la handra la izo arilishia.

2 MAKORINTIYO 1:22 ပူးပေါင်းရင်းမြစ်များ

YUHANI 3:33

Ɓadi mutru akuɓalio ushahidi wahe, waye udhiɓitisha amba Mungu, waye kweli.

YUHANI 6:27

Musudzishahilise na shahula muola, ɓadi namudzishahilise na shahula iv̄ao uhayati mukamilifu wa daima, shahula ilio amba uMwana wa Mwanadamu|Mwana wa Mwanadamu atsomuv̄aniyo, mana ɗe waye Ɓaɓa, yaãni Mungu, amukadza umuhuri wahe.»

MAROMU 4:11

Ne apara iãlama ya utahiri amba ike muhuri ushadidishao muhakisho wahe mbeli za Mungu ha siɓaɓu ya uaminifu wahe rangu raha kaka atahiriwa. Ha izo afanyiha ɓaɓa wa piya wao waaminio ɓila utahiriwa, ile wapare muhakisho mbeli za Mungu wajau.

MAROMU 8:23

Wala tsi wizo tu ɓasi, ɓadi wasi wajau riliona yamavuna ya handra ya iRoho, wasi wajau risuulula moni hatru, ha ulindra itrongo ya ufanyiha wana, ha ukombofu wa umwili watru.

MAROMU 8:9

Yahusu wanyu, wanyu kamusi utsini na utawalifu wa ihali ya shiuɓinadamu, ɓadi utsini na wa iRoho, neka anga amba iRoho ya Mungu isuẽshi moni hanyu. Na neka mutru kasina iRoho ya Kristi, v̄av̄o kasi wahe.

2 MAKORINTIYO 5:5

Na Uwo aritayarisha ya umugaudzio uwo ɗe Mungu, alio amba ariv̄a iRoho ike fungu la handra la piya izo arilishiazo.

MAEFESO 4:30

Musutriye huzuni iRoho Ndzitwaharifu ya Mungu, iRoho ilio amba ha wiyo muremwa muhuri wa isuku ya ukombofu.

1 MATESALONIKA 4:8

Ha izo, mutru aharao maosio yao kasuhara mwanadamu, ɓadi Mungu, waye kamwe amuv̄aoni Roho Ndzitwaharifu yahe.

2 TIMUTAUSU 2:19

Ɓadi umusingi muhodari wahetsiwa na Mungu, uwo usika, uremwa muhuri na marongozi yanu: «Mola asujua wao walio amba wahe», na tsena «mutru yotsi akuɓalio ha hadhwiri lidzina la Mola, nadziɓause na uovu.»

MUV̄ENULIO 2:17

Mwendza makio nakiye izo iRoho aambiao ziDjama Ndziwaminifu! Uwo ashindra, nitsomuv̄a fungu hari mwa ishahula yatsitswa ihiriwao manna, tsena ɓwe djeu. Na hari mwa liɓwe lilo v̄uangihwa dzina pia lilio amba kav̄u mutru alijuao neka tsi ɗe uwo aliparao.»

MUV̄ENULIO 7:3

«Mwasurendreye mbovu ishiv̄andre ya tsi, ɓila iɓahari, wala yimiri, ata mupaka ritriye muhuri usoni mwa warumishi wa Mungu watru.»

MUV̄ENULIO 9:4

Yaambilwa yasurendreye mbovu liɗavu la ishiv̄andre ya tsi, ɓila shimea itsokao yotsi, wala muri utsokao yotsi, ɓadi tu ha wanadamu kawasina hari mwa uuso umuhuri wa Mungu.