1 TIMUTAUSU 6:20 - Ha`bari Ndjema ya I Maore

²⁰ He Timutausu, sika trongo wadhwaminishiwayo. Dziɓause na malaguzi kayana mana yashirikisao, na mashindrano yajao ha ujuzi wa trambo.

1 TIMUTAUSU 6:20 ပူးပေါင်းရင်းမြစ်များ

MAV̄INGIZI-RISALA 16:1

Ɓaanda ya v̄ale Ɓaulusu andre ata Derɓi na Listra. Na hule v̄uka swihaɓa akohiriwa Timutausu, mwana mutruɓaɓa wa mutrumushe Muyahudi muaminifu, ɓadi ɓaɓahe kaka Muyahudi.

MAV̄INGIZI-RISALA 17:18

Ɓaãdhwi ya watru wakoɗunga ĩlimu ya Epikuro na Stoyiki waja walagua na waye. Wasalia wakorongoa: «Mulaguzi unu atsaha arongowe trini?» Wasalia, ha iv̄o akomujudza Insa na umuregezeo hayi, wakorongoa: «Isufana mauri asujudza miungu wadjeni.»

MAV̄INGIZI-RISALA 17:21

Mana watru wa Atheni na wadjeni wakoketsi v̄ale kawakofanya trongo yangina neka tsi uv̄itsa wakati wawo ha urongoa au uvulishia haɓari zaja av̄asa.

MAROMU 1:22

Wasudzirendra wendza ãkili, ne wafanyiha wajinga.

MAROMU 3:2

Zina faida nyengi ha kula namuna. Raɓuzi imahususu moni v̄av̄o, ɗe iv̄o amba Mayahudi ɗe wadhwaminishiwa yamarongozi ya Mungu.

1 MAKORINTIYO 2:6

Na v̄av̄o, kweli amba risujudza hikima hari mwa watru waaminifu wakamiliha shiroho, ɓadi hikima ilio amba tsi ya ulemengu unu, wala tsi ya matawalizi wa lidunia lini, walio amba wahetsiwa wandre waangamidziwe;

1 MAKORINTIYO 3:19

Mana hikima ya ulemengu unu, iyo ujinga mbeli za Mungu. Mauri ɗe iheli yaangihwa moni na uMuangishio Mutwaharifu: «Waye usika wendza hikima hari mwa udjandja wawo.»

MAKOLOSIYA 2:18

Musudzilishe mwarav̄wa ushindrifu na mutru yotsi adzijiv̄idzao ha uwekevu wa trambo na ĩɓada ya malayika; mutru namuna iyo udzihetsi hari mwa izo aonao, na udziɓua tu ɓure-ɓure ha fikira za shiuɓinadamu zahe.

MAKOLOSIYA 2:8

Namufahamu amba v̄wasuke mutru amufanyiani shambwe ha ndzia ya misomo ya ziãkili za shiuɓinadamu ndzidangamanyifu, tsena truv̄u, yilawanao na zimila za shiuɓinadamu, na zitru za ãswili za ulemengu, ɓadi tsi ha Kristi.

2 MATESALONIKA 1:4

Ha izo, risudziɓua ha siɓaɓu ya wanyu hari mwa ziDjama Ndziwaminifu za Mungu, ha ustahamilifu wanyu na uaminifu wanyu hari mwa piya matreso yanyu na maondo muyav̄irao.

2 MATESALONIKA 2:15

Ɓasi ha izo wananya wa shi uaminifu, namuke watru wasika, musike hodari yimisomo ramuv̄aniyo, neka ha hanyo, au ha ɓarua.

1 TIMUTAUSU 1:11

walingana na iIndjili ndzitukufu ya Mungu Monyewe ɓaraka, ilio amba tsidhwaminishiwayo.

1 TIMUTAUSU 1:2

ha Timutausu, mwana wa kweli wangu hari mwa uaminifu: Neema, urehema na amani zilawao ha Mungu amma Ɓaɓa, na Kristi-Insa, Raɓi watru, nazihuendreleye.

1 TIMUTAUSU 1:4

Waambiye tsena wasudzishapise na mahadisi yatrungwa na zingurudhwa kazina mwiso za wadzaɗe, trongo ziv̄ingao hari mwa mashindrano, ɓadi tsi hari mwa umupango wa Mungu uparihanao ha uaminifu.

1 TIMUTAUSU 1:6

V̄wa ɓaãdhwi wav̄a mengo trongo zini, wazinga hari mwa mahadisi maruv̄u.

1 TIMUTAUSU 1:9

Risujua raha amba iSharia kayahetsiwa ya watuĩvu, ɓadi ya warendrezi-mbovu na wakaidi, makufari na maãswifu, watru kawastehi dini wala yotsi ya shiungu, maula maɓaɓa na mamama, maangamifu,

1 TIMUTAUSU 4:7

Ɓadi ɓauha mahadisi ya shidunia yao ya shikitaɓi-koko, ne udzishahilise na trongo za shiĩɓada.

1 TIMUTAUSU 6:11

Ɓadi wawe, mutru wa Mungu, trala trongo zizo, ne uɗunge uhaki, iĩɓada, uaminifu, uv̄endza, ustahamilifu, na uwekevu.

1 TIMUTAUSU 6:14

usike iãmuri ini ɓila pandra, wala tuhuma, ata mupaka umuv̄enulio wa Raɓi watru Insa-Kristi,

2 TIMUTAUSU 2:1

Ɓasi wawe, mwana wangu, dzihodarishe hari mwa irehema iparihanao ha Kristi-Insa.

2 TIMUTAUSU 2:16

Ɓauha mahadisi kayana mana yashirikisao, yalio amba uɓausa wao wayasikao zaidi ha zaidi na iĩɓada.

TITUSA 1:14

ɓadi wasushahilihe na mahadisi yatrungwa ya shiUyahudi na ãmuri za watru wapotezao ukweli.

TITUSA 1:4

Nisuhuangishia wawe Titusa, mwana wangu wa kweli hari mwa uaminifu watru shirika: Rehema na utrulivu zilawao ha Mungu amma Ɓaɓa v̄umoja na Kristi-Insa, Muhuyifu watru, nazihuendreleye.

TITUSA 1:9

afungamanihe na ĩlimu ya kweli ha inamuna yasomedzewa, pare ashindre atriye ɓari ha umusomo mwema na uharalia wao walio kinyume.

TITUSA 3:9

Ɓadi ɓauha mashindrano ya shiujinga, zinaswaɓa, ngumani, mifarikishano hari mwa iSharia, mana izo kazina mana wala faida.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.