1 TIMUTAUSU 6:18 - Ha`bari Ndjema ya I Maore

¹⁸ Nawarendre ndjema, wake tadjiri ha zitrendro ndjema, wake wangu wa uv̄a, tsena wakane maendreleo ya ushirika.

1 TIMUTAUSU 6:18 ပူးပေါင်းရင်းမြစ်များ

MATIYO 5:42

Mutru ahumiao, muv̄e, na uwo atsahao umuazime, usumuharaliye.»

LUKASI 12:21

Iyo ɗe iheli ya mutru adzingulidziao mali ha iwaye yahe, ɓila waye tsi tadjiri mbeli za Mungu.»

LUKASI 3:11

Awadjiɓu: «Monyewe ukana nguo mbili, naanyise na ule kasina ata hata, na uwo aliona shahula, nafanye namuna ɗe wiyo iyo.»

MAV̄INGIZI-RISALA 10:38

Musujua namuna Mungu amutsahua Insa wa Nazareti na umuenedza iRoho Ndzitwaharifu na ushindzi, na namuna akwendra ha urendra ndjema na uzihira piya wao waka watawaliwa na Iɓilisa, mana Mungu aka na waye.

MAV̄INGIZI-RISALA 11:29

Ɓas maswihaɓa warenge ãzima amba kula mutru ha inamuna akoshindra, av̄elehe musada ha wanyawo waaminifu waka Yudeya.

MAV̄INGIZI-RISALA 9:36

Mengoni mwa yamaswihaɓa ɗagoni Yopa, v̄uka mutrumama akohiriwa Taɓita (faswiri yalo, Dorkasi), akorendra zema ha uwengi na utoa zaka.

MAROMU 12:13

Namusaidiye wanyanyu waaminifu na zingusongefu zawo, muke na djitihadi ya ukariɓisa.

MAROMU 12:8

Uwo adjaãliwa ineema ya utria ɓari, naifanye; uwo av̄ao, nav̄e ɓila hisaɓu; uwo av̄ingao wanyahe, naifanye v̄umoja na djitihadi, na uwo adjaãliwa ineema ya uonesa poreho, nav̄orehe v̄umoja na furaha.

1 MAKORINTIYO 16:2

Kula mutru mengoni mwanyu isuku ya handra ya mufumo, nagamise hahe iyo atsoshindrao ha ikadiri yahe, ile watru wasulindre naja iv̄o v̄wafanyiwa umutsango.

2 MAKORINTIYO 8:12

Mana ushauku muɓole wamoka, uwo ukuɓalishiha ulingana na iyo mutru alionayo, ɓadi tsi na iyo mutru kasina.

2 MAKORINTIYO 8:9

Mana musujua ineema ya Raɓi watru Insa-Kristi|Insa: waye alio amba akana utadjirifu, adzisikinisha ha tanafu yanyu, pare ha usikini wahe, wanyu mutadjirishihe.

MAGALATWIYA 6:10

Ha izo, ramokana inafasi, narirendreye ndjema wanadamu piya, hususwani ɗe uwatru wa udjama hari mwa uaminifu.

MAEFESO 4:28

Uwo ahiɓao, asuhiɓe tsena; nadzirume ha ufanya hazi ya kweli ha mihono yahe monyewe, ile akane ya uv̄a uwo akosewa.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MONYE 3:11

Nadziɓause na mbovu, afanye indjema, natsahe iamani, tsena aiɗunge.

1 YUHANI 3:17

Neka mutru ana zingutadjiri za ulemengu, ne asuona mwananyahe hari mwa usongefu na roho yahe kaisina poreho, ɓasi namuna jeje uv̄endza wa Mungu ukao moni hahe?

3 YUHANI 1:11

Wawe muv̄endzewa, wasutiɓe imbovu, ɓadi indjema. Uwo afanyao indjema, waye wa shi Mungu. Uwo afanyao imbovu, waye kamuji Mungu.