1 TIMUTAUSU 6:13 - Ha`bari Ndjema ya I Maore

¹³ Nisuhuãmurisha mbeli za Mungu av̄ao uhayati zitru piya, na mbeli za Kristi-Insa alio amba atoa ushahidifu ha mukuɓalisho mwema mbeli za Pontiusu Ɓilatusa:

1 TIMUTAUSU 6:13 ပူးပေါင်းရင်းမြစ်များ

MATIYO 27:11

Insa av̄elehwa mbeli za dhwamana wa daula. Ɓas, dhwamana ule amudzisa: «Hali wawe ɗe Mufalume wa yaMayahudi?» Insa amudjiɓu: «Wawe ɗe uirongoao.»

MATIYO 27:2

Ɓaanda wamufunga, wamurenge, wamuv̄ingi ha Ɓilatusa, dhwamana wa daula.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 19:11

Insa amudjiɓu: «Kwatsokana yezi itsokao yotsi hanguju na djeli kwaka wav̄olwayo ulawa uju. Ha izo, mutru anitria mihononi haho, likosa lahe ɓole zaidi.»

YUHANI 5:21

Mana mauri ɗe inamuna Ɓaɓa aregezao hayi watru wafa, awav̄ao uhayati, ɗe inamuna uMwana av̄ao uhayati uwo atsahao.

YUHANI 5:26

Mana mauri ɗe inamuna Ɓaɓa aliona uhayati hahe monyewe, ɗe inamuna adjaãlia uMwana akane uhayati hahe monyewe,

MAV̄INGIZI-RISALA 17:25

Tsena, waye karumishiwa ha mihono ya wanadamu mauri akosewa na shitru itsokao yotsi, waye av̄ao ha piya uhayati, pumu na kula shitru.

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

MAGALATWIYA 3:26

Mana ha ndzia ya uaminifu, mwa piyanyu wana wa Mungu ha uv̄umoja wanyu na Kristi-Insa.

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,

1 TIMUTAUSU 1:15

Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

1 TIMUTAUSU 2:5

Mana v̄wa Mungu moja tu, tsena muparanisa moja ɓaina ya Mungu na wanadamu, ne ɗe Kristi-Insa, mwanadamu,

1 TIMUTAUSU 5:21

Nisuhuosia mbeli za Mungu, mbeli za Kristi-Insa, na mbeli za zimalayika ndzitwaharifu, utuĩ ãmuri zizo pasipo ya mav̄endzeleo wala utsahulivu.

1 TIMUTAUSU 6:12

Wanilia ikondro ndjema ya uaminifu, usike uhayati wa daima ulio amba uhiriwa uke nawo, na ha uwo ɗe wafanya mukuɓalisho mwema mbeli za mazahidi ha uwengi.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MUV̄ENULIO 21:6

Aniambia tsena: «Zitsimidziha. Wami ɗe Alfa na Omega, uMwandro, na uMwiso. Uwo aliona nyora, nitsomuv̄a anwe hari mwa lidzitso la maji ya uhayati ɓila uliv̄a.

MUV̄ENULIO 22:1

Amwesa inionesa muro wa maji ya uhayati, yakov̄ev̄ena mauri ɓwe lihiriwao kristali, yakolawa shiriju mwa ufalume wa Mungu na wa uMwana Ɓariɓari.

MUV̄ENULIO 3:14

«Angishia imalayika ya iDjama Ndziwaminifu ya Laodiseya zini: Tsizini izo zirongolwao na iAmina|Amina, lishahidi dziaminifu, tsena la kweli, koho la liɓuumbio la Mungu.