1 TIMUTAUSU 6:12 - Ha`bari Ndjema ya I Maore

¹² Wanilia ikondro ndjema ya uaminifu, usike uhayati wa daima ulio amba uhiriwa uke nawo, na ha uwo ɗe wafanya mukuɓalisho mwema mbeli za mazahidi ha uwengi.

1 TIMUTAUSU 6:12 ပူးပေါင်းရင်းမြစ်များ

2 MAKORINTIYO 6:7

hari mwa umujudzio wa ikweli, tsena ha ushindzi wa Mungu, ha zizombo ziwaniao na ukingia ihaki;

2 MAKORINTIYO 9:13

Ha udhiɓitifu wa urumishi wanyu uwo, wao wasumutukuza Mungu ha siɓaɓu ya utuĩvu wanyu wamuv̄ingani mukuɓali ha dhwahiri iIndjili ya Kristi na ha siɓaɓu ya utolezi musada wanyu ha uwengi hawoju, na ha piya.

MAFILIPI 1:30

ha uwania kondro wiyo-wiyo na iyo mwaona hangu, tsena munikiao nayo raha.

MAKOLOSIYA 3:15

Utrulivu wa Kristi ulio amba muhiriwa mukanewo ile mufanyihe mwili moja, nautawale rohoni hanyu. Namuke wendza himida.

1 MATESALONIKA 2:12

rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.

2 MATESALONIKA 2:14

Ɗe ha izo tsena ɗe amuhirani ha indzia ya Indjili yatru, ile mupare utukufu wa Raɓi watru Insa-Kristi.

1 TIMUTAUSU 1:18

liSariɓu nihuv̄aolo mwana wangu Timutausu, ha uɗunga marongozi ya shi mutrume yashukidziwa nyuma oho yahuhusu wawe, ɗe amba ulawana na yao, uwane ikondro ndjema,

1 TIMUTAUSU 1:19

ha usika uaminifu v̄umoja na roho ndziraharifu ɓila tuhuma. V̄wa ɓaãdhwi walio amba wahara uvulishia likoho la unamuzi lawo, na ha izo uaminifu wawo uroro.

1 TIMUTAUSU 4:14

Usurumiye ha ushiɗa ineema ya urehema ilio moni haho, wadjaãliwayo ha marongozi ya shi mutrume yashukidziwa wakati wakadzwa yimihono na uwaɓole wa iDjama Ndziwaminifu.

1 TIMUTAUSU 6:13

Nisuhuãmurisha mbeli za Mungu av̄ao uhayati zitru piya, na mbeli za Kristi-Insa alio amba atoa ushahidifu ha mukuɓalisho mwema mbeli za Pontiusu Ɓilatusa:

1 TIMUTAUSU 6:19

Ha izo, watsodzihetsia dafine ndjema tsena hodari ya wakati ujao, ile wapare uhayati ulio amba wa kweli.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

2 TIMUTAUSU 2:2

Na izo wazikia na wami mbeli za wengi wa mazahidi, zidhwaminishe ha watru waaminifu watsoshindrao wazisomedze wajau wangina.

2 TIMUTAUSU 4:7

Tsiwana ikondro ndjema, tsimalidza umwendro, tsisiki uaminifu.

MAHEƁRANIYA 13:23

Namujuwe amba mwananyatru Timutausu aɓuliwa. Neka awaswili ha uharaka, nitsoja nimuoneni v̄umoja na waye.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAHEƁRANIYA 6:18

Ha izo, trongo mbili kazigauha, zilio amba hari mwazo tsi mukinishiha Mungu urongoa trambo, zisuriv̄ingia mutrilio-ɓari muhodari, wasi rilio amba umuɓamio watru uka ɗe udzifungamanisa na itama rahetsiwayo.

1 MONYE 3:9

Mwasuɗiv̄e mbovu ha mbovu, wala shilihidzo ha shilihidzo. Ɗe ikinyume, namusopeleye, mana ha iyo ɗe mwahirwa, ile muwarithi ɓaraka.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

1 YUHANI 2:25

Na uwahadi ariv̄a ɗe unu, ɗe uhayati wa daima.

YUDA 1:3

Wanyu wav̄endzewa, ha iv̄o nakana ushauku muɓole wa umuangishiani yahusu uhuyifu wa shirika watru, tsidziono farudhwi ya umuangishiani pare nimutriyeni ɓari amba muwaniliye uaminifu wajudzwa ha watwaharifu mara moja ha piya.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.