1 TIMUTAUSU 6:11 - Ha`bari Ndjema ya I Maore

¹¹ Ɓadi wawe, mutru wa Mungu, trala trongo zizo, ne uɗunge uhaki, iĩɓada, uaminifu, uv̄endza, ustahamilifu, na uwekevu.

1 TIMUTAUSU 6:11 ပူးပေါင်းရင်းမြစ်များ

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

1 MAKORINTIYO 10:14

Ha izo wandzani wa roho wangu, namutrale itrongo ya uãɓudu masanamwe.

1 MAKORINTIYO 14:1

Ɓasi namuɗunge uv̄endza, tsena namutsahe ha kusudi neema za shiroho, hususwani ya ujudza marongozi ya shi mutrume yashukidziwa.

1 MAKORINTIYO 6:18

Namutrale taɓia za shahawa kazalazimu. Dhambi langina lotsi mutru alifanyao, lilo kalihusu umwili wahe, ɓadi uwo afanyao taɓia za shahawa kazalazimu, v̄av̄o asuãswi kinyume na umwili wahe monyewe.

1 TIMUTAUSU 1:14

Na urehema wa Raɓi watru uzidishiha, v̄umoja na uaminifu na uv̄endza ulio ha Kristi-Insa.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

1 TIMUTAUSU 6:20

He Timutausu, sika trongo wadhwaminishiwayo. Dziɓause na malaguzi kayana mana yashirikisao, na mashindrano yajao ha ujuzi wa trambo.

2 TIMUTAUSU 2:21

Ɓasi neka mutru asudzirahatsa ha udziɓausa na trongo zizo, atsoka shiya ya urumishi wa sheo, yatwaharishiwa, imufayio Monyewe, tayari ya kula urumishi mwema.

2 TIMUTAUSU 2:22

Trala zingushauku za shiunahirimu, utsahe uhaki, uaminifu, uv̄endza, amani, v̄umoja na wao wamukuɓalio Mola ha hadhwira ha umo muraharifu.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

2 TIMUTAUSU 3:17

ile mutru wa Mungu akamilishihe, ake tayari ya ufanya kula shitrendro ndjema.

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

1 MONYE 3:11

Nadziɓause na mbovu, afanye indjema, natsahe iamani, tsena aiɗunge.