1 TIMUTAUSU 4:6 - Ha`bari Ndjema ya I Maore

⁶ Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

1 TIMUTAUSU 4:6 ပူးပေါင်းရင်းမြစ်များ

MATIYO 13:52

Ɓas awaambia: «Iyo ɗe imana, kula fundi wa Sharia asomedzewa zahusu Utawalizi wa Monyewe ziMbingu, ujua afanisiwe na monyewe nyumba arengao hari mwa dafine yahe zitru pia na za hale.»

LUKASI 1:3

Ɓasi wami wajau tsiono amba itsoka ndjema, ɓaanda nazunguha ha uzuri ukweli wa piya trongo zini rangu umwandro wazo, nihuangishiyezo moja ha moja,

MAV̄INGIZI-RISALA 1:15

Ata suku, Monye ahimi hari-hari na maswihaɓa wanyahe wale. Indadi ya watru waka wangulidzana, ika mukaɓala wa miya wa ishirini. Sa ile arongoa:

MAV̄INGIZI-RISALA 20:31

Ɓas namuke hashiri, munahane amba pandza la maha miraru, tsazia uku wala mutsana ya wami umufahamishani ha matsozi, kula moja hari mwanyu.

MAV̄INGIZI-RISALA 20:35

Hari mwa piyazo tsimuonesani amba ha udziruma namuna ini ɗe ralazimu risaidiye wao kawasudzishindra, na unahana yamarongozi ya Raɓi Insa ayarongoa waye ha waye: ‹Uv̄a ina furaha zaidi rahana upara.› »

MAROMU 15:15

Ɓadi v̄anu, tsisuɓutu nimuangishiyeni ɓaãdhwi ya trongo ɓila udzizia, ile nimaruse fahamu lanyu, ha siɓaɓu ya ineema Mungu anidjaãlia.

1 MAKORINTIYO 4:17

Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.

2 MAKORINTIYO 11:23

Amba wao warumishi wa Kristi? (Nisulagua shi mutru alatsiha ishitswa!) Wami tsiwazidi. Rangu zihazi za urumbufu-moni, tsiwav̄iria; hari mwa yimitrilio shiv̄ani, tsiwav̄iria raha; hari mwa ziv̄ondro, tsiwazidi mbali. Wakati mwengi tsika hari mwa hatwari ya ufa:

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

2 MAKORINTIYO 6:4

Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu,

MAEFESO 6:21

Ha wanyu wajau ujua inamuna nilio na iyo nifanyao, Tihikusa alio hari mwa uv̄umoja na Raɓi mwananya muv̄endzewa, tsena murumishi muaminifu, atsomujudzani piya zihaɓari.

MAFILIPI 2:20

Mana tsisina wangina alio fikira moja na wami, amba ashuhulihe ha kweli na izo zamuhusuni.

MAFILIPI 2:22

Ɓadi musujua martaɓa yahe, namuna afanya hazi na wami mauri mwana na ɓaɓahe, ha uendresa mbeli iIndjili.

MAFILIPI 3:16

Namuna yotsi itsokao, v̄anu rawaswili, narendre mbeli na indzia wiyo-wiyo.

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.

MAKOLOSIYA 3:16

V̄av̄o urongozi wa Kristi nauke moni hanyu ha piya utadjirifu wawo; namusomedzane na ufahamishana ha piya zihikima. Namuhedze madjimbo, ngutende za sifa, na himbo za shiRoho. Namumuhimbiye Mungu v̄umoja na himida ha piya umo wanyu.

MAKOLOSIYA 4:7

Hari mwa izo zanihusu, umwananya wa shi uaminifu muv̄endzewa Tihikusa, alio murumishi muaminifu amma munyangu wa hazi hari mwa uv̄umoja na Raɓi, atsomujudzani kula trongo.

1 MATESALONIKA 3:2

amwesa rimuv̄elehe mwananyatru Timutausu, mushangirizi wa Mungu ha ihaɓari ndjema ya Kristi, ile amuhodarisheni na umutriani ɓari ha tanafu ya uaminifu wanyu,

1 TIMUTAUSU 1:10

ihetsiwa wajau ha wendza shahawa mbovu, watruɓaɓa waendreleanao, wao wafanyao ɓahazazi za wanadamu, wanafiki, walav̄izi wa trambo, wajau na kula yendrao kinyume na musomo mwema

1 TIMUTAUSU 4:16

Dzifahamishe iwawe yaho na musomo waho, tsena uendreleye ha djitihadi na trongo zizo. Mana wamorendra namuna iyo, utsohuyi iwawe yaho, na wao wahuvulishiao.

1 TIMUTAUSU 6:3

Neka mutru asusomedza trongo zangina, tsena kasuɗunga ya marongozi ya kweli ya Raɓi watru Insa-Kristi na umusomo walingana na iĩɓada,

2 TIMUTAUSU 1:6

Iyo ɗe imana ata nihunahanidzao uvudziye lijenge la ineema ya Mungu ilio moni haho ha uhukadzia yangu yimihono.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

2 TIMUTAUSU 4:3

Mana v̄utsoja wakati amba watru kawatsostahamili uvulishia musomo mwema. Ɓadi ha ushauku wa ukia izo ziwawao makio yawo, watsodziparia wengi wa mafundi.

TITUSA 2:1

Ɓadi wawe, somedza izo zalingana na umusomo wa kweli.

1 MONYE 2:2

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu,

2 YUHANI 1:9

Mutru yotsi andrao mbali tsena kasuɓaki hari mwa umusomo wa Kristi, kasina uv̄umoja na Mungu. Uwo aɓakio hari mwa musomo uwo, ana uv̄umoja na Ɓaɓa amma na uMwana.

YUDA 1:5

Nisutsaha nimunahanidzeni, wala ukana musujua piya zizo, amba Mola ɓaanda ahuyi umati wahe ulawa Miswiri, aja aangamidza wao wakohara uamini.