1 TIMUTAUSU 4:3 - Ha`bari Ndjema ya I Maore

³ Wasuɓalidza watru ungia hari mwa ndrolo na uwaãmurisha wasuɗye ɓaãdhwi ya zahula zilio amba Mungu aziumbu ziɗyiwe ha uhimidifu na wao waaminio, tsena wajuao ukweli.

1 TIMUTAUSU 4:3 ပူးပေါင်းရင်းမြစ်များ

MATIYO 14:19

Ɓas, aambia watru wale waketsi kunuju v̄ale, arenge yamadipe matsano na fi mbili zile, adzua yamatso mbinguni, azisopelea; amwesa akutrua yamadipe, av̄awo yamaswihaɓa waanyisiye piya idunia ile.

MATIYO 15:11

Shitru inagisio mwanadamu, tsi ɗe ile ingiao hanyoni, ɓadi ɗe ilawao hanyoni.»

MATIYO 15:36

Amwesa arenge madipe saɓa yale na zifi, amuhimidia Mungu, ayakutrua, ayav̄a maswihaɓa yahe waãnisiye idunia.

LUKASI 24:30

Wakati aka mezaju na wao arenge dipe, na ɓaanda ahimidia Mungu, alikutrua, amwesa awav̄alo.

YUHANI 6:23

iSuku yaɗunga madjahazi yangina yala ha ulawa Tiɓeriyasa, yawaswili v̄ale kariɓu na v̄uv̄ahanu watru waka waɗya yamadipe ɓaanda ya Raɓi umuhimidia Mungu.

MAV̄INGIZI-RISALA 27:35

Ɓaanda arongoa namuna ile arenge dipe, amwesa amuhimidia Mungu mbeli zawo piya, alikutrua, aandrisa uɗya.

MAROMU 14:17

Mana Utawalizi wa Mungu tsi ɗe uɗya na unwa, ɓadi ɗe uhaki, amani, na furaha, ha iRoho Ndzitwaharifu.

MAROMU 14:3

V̄av̄o ule aɗyao, asuoneye ule kaɗyi; na ule kaɗyi, asunamuwe ule aɗyao, mana Mungu amukariɓisa.

MAROMU 14:6

Mutru atafautishao zisuku, v̄ale asuzitafautisha ha siɓaɓu ya Mola. Na ule aɗyao, asuɗya ha siɓaɓu ya Mola, mana waye uhimidia Mungu. Na uwo kaɗyi, ha siɓaɓu ya Mola ɗe waye kaɗyi, na asumuhimidia Mungu wajau.

1 MAKORINTIYO 6:13

Na tsena: «Zahula, izo za mimba, na imimba, ya zahula.» Izo kweli; ɓadi Mungu atsoziangamidza izo mbili. Na umwili tsi wa ufanya taɓia za shahawa kazalazimu; uwo wa Raɓi, na Raɓi waye, wa umwili.

1 MAKORINTIYO 7:28

Ɓadi neka ulola, v̄av̄o kwaãswi. Na neka mutrumushe-mwanamutsa asulodzwa, v̄av̄o kasuãswi. Ɓadi wao walio hari mwa ndrolo, watsoparwa na taãɓu maẽshani hawo; na wami natsov̄endza nimuhifadhwini nazo.

1 MAKORINTIYO 8:8

Ɓadi tsi shahula ɗe itsorikuruɓishao na Mungu. Neka karisuɗya, karitsolatsishiwa na itsokao yotsi; neka risuɗya, karitsozidishiwa na itsokao yotsi.

MAKOLOSIYA 2:16

Ɓasi ha izo, v̄usuke mutru yotsi amunamuani hari mwa iyo muɗyao au munwao, yahusu musherehio, mwezi muv̄ia, au tsena suku za Uv̄umuzi.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

1 TIMUTAUSU 2:4

atsahao amba piya wanadamu wahuyiwe, tsena wapare ujuzi wa ukweli.

1 TIMUTAUSU 4:4

Kweli amba kula yaumbwa na Mungu, iyo ndjema, tsena kav̄usi ya uhara, neka isurengwa ha uhimidifu,

1 TIMUTAUSU 5:14

Ha izo natsov̄endza watruwashe wa maha mishashi wafiliwa walolwe, wadze, wasike ha uzuri miraɓa yawo, ile wasuv̄e iãduwi shisa itsokao yotsi ya urilagua ha unayi.

MAHEƁRANIYA 13:4

Ndrolo naistehiwe na piya, na ishitrandra ya ndrolo yasutrilwe tsama ya shihawara, mana Mungu atsohukumu wendza shahawa mbovu na wazindzi.

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.