1 TIMUTAUSU 4:16 - Ha`bari Ndjema ya I Maore

¹⁶ Dzifahamishe iwawe yaho na musomo waho, tsena uendreleye ha djitihadi na trongo zizo. Mana wamorendra namuna iyo, utsohuyi iwawe yaho, na wao wahuvulishiao.

1 TIMUTAUSU 4:16 ပူးပေါင်းရင်းမြစ်များ

MARKUSI 13:9

Ɓadi wanyu, namudzifahamishe nafusi zanyu. Mana watru watsomuv̄elehani mbeli za mahakama, na uɓuɓulwa zengwe moni na ziNyumba za Uswali. Mutsov̄elehwa mbeli za mawakala na mafalume ha siɓaɓu ya wami, ile muv̄inge ushahidifu wanyu mbeli zawo.

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

MAV̄INGIZI-RISALA 26:22

Ɓadi ha umusada wa Mungu ata upara ileo ini, tsami, nisutoa ushahidi mbeli za uwatiti na uwaɓole, wala tsi ya wami urongoa trongo zangina neka tsi ɗe zizo zarongolwa na yimitrume na Musa amba zitsohidjiri,

MAV̄INGIZI-RISALA 6:4

na wasi riendreleye udzishahilisa na yamamilio na utekeleza uUrongozi.»

MAROMU 11:14

ile neka trongo mukinishiha, nitsotse uwivu wa wao walio kaɓila moja na wami, tsena nihuyi wasalia mengoni mwawo.

MAROMU 16:17

Nisumutahadharishani wananyangu, mudzifahamishe na watria-mufaraka na wao wakwalisao watru ha kinyume na umusomo mwaupara. Namudziɓause na wao.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MAKORINTIYO 9:22

Ha tsi wahodari tsifanyishiha tsi muhodari, ile nipare wao tsi wahodari. Tsidzifanya kula namuna ha piya, ile ha kula namuna nihuyi ɓaãdhwi.

1 MAKORINTIYO 9:27

Ha kinyume nisuruma mangavu umwili wangu, nisuufanya amba murumwa, ile ɓaanda naĩdhia wasalia, isuke amba tsiharaliwa.

MAEFESO 4:14

Ha izo, karitsoka tsena wanatsa wav̄ingwao na maji, watangisiwao na kula pev̄o ya musomo, wapotezewao ha udjandja na yimipango ya unafiki ya wanadamu.

MAKOLOSIYA 4:17

Namuambiye Arkiɓusa: «Dzifahamishe na urumishi waupara ulawa ha Raɓi, pare uutsimidze.»

1 MATESALONIKA 2:16

Wasuritaãɓisha ulagua na watru wa zinishani zangina pare wahuyiwe. V̄av̄o wasuendrelea ukamilisha ishiv̄imo ya madhambi yawo. Ɓadi ihadhaɓu ya Mungu ija iwapara mwisoni.

1 TIMUTAUSU 1:3

Mauri ɗe inamuna nahutafadali ulawa yangu ha uendra Makadoniya, amba uɓaki Efeso, pare usariɓiye ɓaãdhwi ya watru wasusomedze misomo yangina.

1 TIMUTAUSU 4:15

Dzihetsi ha ukamilifu hari mwa trongo zizo, udzifungamanise nazo ha kusudi, ile muendreleo-mbeli waho uv̄enuhe ha piya.

1 TIMUTAUSU 4:6

Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

2 TIMUTAUSU 2:10

Iyo ɗe imana ata nistahamilio piya zitrongo, ha faida ya wao watsahulwa, ile wao wajau wapare uhuyifu ulio ha Kristi-Insa, v̄umoja na utukufu wa daima.

2 TIMUTAUSU 3:14

Ɓadi wawe, ɓaki hari mwa izo wasoma, wazikuɓali v̄umoja na yakini; usujua ha mbani ɗe wazisoma,

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

TITUSA 1:9

afungamanihe na ĩlimu ya kweli ha inamuna yasomedzewa, pare ashindre atriye ɓari ha umusomo mwema na uharalia wao walio kinyume.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.

TITUSA 2:7

Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi,

FILIMUNA 1:19

Wami Ɓaulusu ɗe niangihao ha umuhono wangu amba nitsohurudisiayo wami monyewe. Wala tsisuhuambia amba deni ulionayo hangu, ɗe inafusi yaho.

MAHEƁRANIYA 12:15

Namuke hashiri amba v̄usuke ata mutru ahara urehema wa Mungu; v̄usuke ata muzi wendza nyongo wamea wataãɓisha, trongo ilio amba itsorandra, itupiye watru wengi.

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

YAKOƁU 5:20

namujuwe amba monyewe uregeza muãswifu v̄ahanu alatsiha, atsomuhuyi iroho na ufa, amwesa atsotsonga muzimio wa wengi wa madhambi.