1 TIMUTAUSU 4:13 - Ha`bari Ndjema ya I Maore

¹³ Ha ulindrilia niwaswili, dzihetsi usome ha hadhwira yiMiangishio Mitwaharifu, utriye ɓari, tsena usomedze.

1 TIMUTAUSU 4:13 ပူးပေါင်းရင်းမြစ်များ

YUHANI 5:39

Wanyu utwali yiMiangishio Mitwaharifu mana musufikiri amba ha wiyo, muna uhayati mukamilifu wa daima. Ne ɗe wiyo-wiyo ɗe yinilawiao ushahidi.

MAV̄INGIZI-RISALA 17:11

Watru wao waka hairi rahana wa Tesalonika wale. Warenge uUrongozi wa iRisala|Risala ha djitihadi ɓole, tsena kula suku wakotwali yiMiangishio Mitwaharifu ha udhiɓitisha zile wakoambilwazo.

MAV̄INGIZI-RISALA 6:4

na wasi riendreleye udzishahilisa na yamamilio na utekeleza uUrongozi.»

MAROMU 12:8

Uwo adjaãliwa ineema ya utria ɓari, naifanye; uwo av̄ao, nav̄e ɓila hisaɓu; uwo av̄ingao wanyahe, naifanye v̄umoja na djitihadi, na uwo adjaãliwa ineema ya uonesa poreho, nav̄orehe v̄umoja na furaha.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

1 MAKORINTIYO 14:3

Ɓadi uwo ajudzao marongozi ashukidziwawo, ulagua na wanadamu: waye uhodarisha, utria ɓari, tsena utrulidza.

1 MAKORINTIYO 14:6

Ɓasi av̄asa wananyangu, neka tsimujiliani ha ulagua luha nashukidziwa, nitsomufayidishani na trini? Na yotsi, ɓadi neka nisumujudzani trongo nav̄enuliwayo, au ya hikima, au ya urongozi washukidziwa, au ya musomo.

1 TIMUTAUSU 4:16

Dzifahamishe iwawe yaho na musomo waho, tsena uendreleye ha djitihadi na trongo zizo. Mana wamorendra namuna iyo, utsohuyi iwawe yaho, na wao wahuvulishiao.

1 TIMUTAUSU 4:6

Wamoeleha zizo ha uwananya wa shi uaminifu, v̄av̄o utsoka murumishi mwema wa Kristi-Insa alisiwao ha marongozi ya uaminifu na umusomo mwema ulio amba uuɗungu ha uzuri.

2 TIMUTAUSU 3:15

na rangu unatsani haho, usujua yiMiangishio Mitwaharifu; yiyo ushindrohuv̄a ihikima iv̄ingao uhuyifu, ha ndzia ya uaminifu ulio hari mwa uv̄umoja na Kristi-Insa.

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.