1 TIMUTAUSU 4:12 - Ha`bari Ndjema ya I Maore

¹² V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

1 TIMUTAUSU 4:12 ပူးပေါင်းရင်းမြစ်များ

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

1 MAKORINTIYO 11:1

Namuɗunge mufano wangu, mauri ɗe inamuna niɗungao mufano wa Kristi.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

1 MATESALONIKA 1:6

Na wanyu mufanyiha watiɓizi watru, tsena wa Raɓi, ha ukuɓali Urongozi wa Mungu hari-hari na matreso ha uwengi, tsena v̄umoja na ifuraha ya iRoho Ndzitwaharifu.

1 MATESALONIKA 2:10

Wanyu mazahidi, na Mungu wajau, amba maendreleo yatru mbeli zanyu wanyu muaminio, yaka twahara, yendza haki, tsena ɓila tuhuma.

1 TIMUTAUSU 1:14

Na urehema wa Raɓi watru uzidishiha, v̄umoja na uaminifu na uv̄endza ulio ha Kristi-Insa.

2 TIMUTAUSU 2:15

Fanya djitihadi udzitekeleze mbeli za Mungu amba mutru akuɓalishiha, murumishi kasuonea haya, asomedzao ha uondzofu urongozi wa ikweli.

2 TIMUTAUSU 2:22

Trala zingushauku za shiunahirimu, utsahe uhaki, uaminifu, uv̄endza, amani, v̄umoja na wao wamukuɓalio Mola ha hadhwira ha umo muraharifu.

2 TIMUTAUSU 2:7

Elewa izo nirongoao, na Raɓi atsohuv̄a uelewe piya.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.

TITUSA 2:7

Hari mwa piya zitrongo, dzihetsi uke mufano hari mwa zitrendro ndjema: musomo waho naurahare, uke mutru wa kusudi,

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

YAKOƁU 3:17

Hikima ya shi uju, iyo uka raɓuzi ndziraharifu, amwesa yendza amani, ndzitrulivu, tsena ndzielevu; iyo ujaya poreho, tsena ukana mavuna mema, ɓila uɓanguzi, wala unafiki.

1 MONYE 5:3

Tsi ha utawalia ha udziro wao mwadhwaminishiwa, ɓadi ha uka mifano mbeli za liɓangwe.