1 TIMUTAUSU 4:10 - Ha`bari Ndjema ya I Maore

¹⁰ iKusudi ata ridzirumao na udzisonga ɗe uka amba rihetsi tama yatru ha Mungu alio hayi, Muhuyifu wa piya uwanadamu, hususwani wao waaminio.

1 TIMUTAUSU 4:10 ပူးပေါင်းရင်းမြစ်များ

MATIYO 16:16

Simoni Monye adjiɓu: «Wawe ɗe Kristi, uMwana wa Mungu alio hayi.»

MATIYO 27:43

Waye amuv̄a tama Mungu, ɓasi Mungu namukombowe av̄asa neka waye umuv̄endza, mana arongoa: ‹Wami ɗe uMwana wa Mungu.› »

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

YUHANI 4:42

Amwesa wamuambia mutrumama ule: «Av̄asa tsi ɗe ha siɓaɓu ya marongozi yaho ɗe raamini, ɓadi rimukia wasi wenyewe, tsena risujua amba kweli waye ɗe uMuhuyifu wa ulemengu.»

YUHANI 5:24

Nisumuambiani ha kweli, mutru avulikiao urongozi wangu tsena aaminio ule aniv̄eleha, ana uhayati mukamilifu wa daima. Katsohukumulwa, mana madza avuku uufa, angia uhayatiju.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

2 MAKORINTIYO 1:10

Waye ɗe arikomboa na ufa mauri ɗe uwo, tsena atsorikomboao nawo raha. Kweli rihetsi tama yatru haheju, tsena rina tama amba atsorikomboa raha.

1 TIMUTAUSU 2:3

Iyo ndzuzuri tsena umujiv̄idza Mungu Muhuyifu watru,

1 TIMUTAUSU 2:4

atsahao amba piya wanadamu wahuyiwe, tsena wapare ujuzi wa ukweli.

1 TIMUTAUSU 2:6

adziv̄a waye-waye ake shiliv̄o ya ukombofu wa piya. Uwo ɗe ushahidifu watolewa wakati wawo wahetsiwa.

1 TIMUTAUSU 3:15

Ɓadi neka nisuhoma, itsoka amba ha zini usujua inamuna ya udziv̄inga moni na idjama ya Mungu, ilio iDjama Ndziwaminifu ya Mungu alio hayi, ilio raha amba ɗe ingidzo na umusingi wa ukweli.

1 TIMUTAUSU 6:17

Sariɓia walio tadjiri wakati wa leo wasudzione, wala wasutriye itama yawo hari mwa ngutadjirifu zilio amba kaziaminishiha, ɓadi ɗe ha Mungu ariv̄ao piya ha uwengi, ile rifurahishihe.

MAHEƁRANIYA 11:26

Akoona amba udhilifu ha siɓaɓu ya Kristi, uwo utadjirifu rahana piya zidafine za Miswiri, mana akoangalia ɗe ithawaɓu yakoja.

MAHEƁRANIYA 13:13

Ɓasi v̄av̄o wasi wajau narilawe ramupare v̄ondze na itobe, ha utrika ulaãnifu wahe.

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 YUHANI 2:2

Waye-waye ɗe lisadaka liripariao muswamaha madhambi yatru, wala tsi ɗe yatru tu ɓasi, ɓadi wajau na ya ulemengu kamili.

1 YUHANI 4:14

Na wasi riono, tsena risulawa ushahidi amba Ɓaɓa av̄eleha uMwana amba Muhuyifu wa ulemengu.