1 TIMUTAUSU 3:16 - Ha`bari Ndjema ya I Maore

¹⁶ Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

1 TIMUTAUSU 3:16 ပူးပေါင်းရင်းမြစ်များ

MATIYO 1:23

«Mutrumushe-mwanamutsa atsomira, atsodza mwana mutruɓaɓa atsohiriwao Emanueli.» Faswiri ya v̄av̄o: «Mungu a v̄umoja na wasi».

MATIYO 13:11

Insa awadjiɓu: «Mana wanyu mudjaãliwa ujua zisiri za Utawalizi wa Monyewe ziMbingu, ɓadi wao kawadjaãliwayo.

MATIYO 28:2

Sa na isa v̄uja v̄uhidjiri mudridrimio wendza nguvu wa ishiv̄andre ya tsi, mana malayika ya Mola ishuku ulawa pev̄oni, ija iv̄ingirisa liɓwe, amwesa iketsi uju mwalo.

MATIYO 3:16

Amohisoɓaĩshiwa, Insa alawa majini. Sa ɗe wiyo ile kamwe zimbingu ziɓuha, aono iRoho ya Mungu iv̄o yakomushukia mufano wa shukuru.

MATIYO 4:11

Ɓas Iɓilisa amulawia, na malayika zija zimupara, zakomurumishia.

MARKUSI 1:13

Na hule pandza la suku aruɓaini Shetwani akodjereɓu umuzaini. Aka v̄umoja na zinyama nyeha, tsena malayika zakomurumishia.

MARKUSI 16:19

Ɓas, Raɓi Insa|Raɓi ɓaanda ahisa ulagua na wao, ahedzewa pev̄oni, aketsi humeni ha Mungu.

MARKUSI 16:5

Ɓaanda wangia moni na likaɓuri, waono mwanahirimu shaɓaɓi aketsi uv̄andre wa hume, apindra nguo ndjeu. Sa ile waremwa na ushangavu.

LUKASI 2:32

mwenge uonesheye zinishani, tsena utukufu wa Israila, umati waho.»

LUKASI 20:44

Daudu asumuhira ‹Raɓi›. Ha namuna jeje ɓasi ata atsokao mwana wahe?»

LUKASI 22:43

Sa ile v̄umuv̄enushia malayika yalawa mbinguni, ile imutriye ɓari.

LUKASI 24:4

Sa ile waremwa na ushangavu na itrongo ile. Ɓas, v̄uwav̄enushia watruɓaɓa waili, wakana nguo zakov̄ev̄ena.

LUKASI 24:51

Ɓas wakati akowaɓariki v̄ale, awaɓaushia, ahedzewa andre pev̄oni.

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 13:3

Insa akojua amba Ɓaɓa atria piya zitrongo mihononi hahe, amba alawa ha Mungu, amwesa akorudi ha Mungu.

YUHANI 15:26

«Wakati uMusaidizi atsojao, uwo nitsomuv̄elesheaniwo ulawa ha Ɓaɓa, ne ɗe iRoho ya ukweli ilawao ha Ɓaɓa, atsonilawia ushahidi.

YUHANI 16:28

Tsilawa ha Ɓaɓa, tsija ulemenguni; na av̄asa nisulawa ulemenguni, nirudi ha Ɓaɓa.»

YUHANI 17:5

Na av̄asav̄anu Ɓaɓa, v̄enua utukufu wangu mbeli zaho, utukufu naka nawo haho, kaɓula ya lidunia uka.

YUHANI 20:12

Ɓas, aono malayika mbili zapindra nguo ndjeu, ziketsi v̄ahanu v̄ale umwili wa Insa waka waladzwa, moja shitswani, moja mindruni.

YUHANI 6:62

Ɓasi mutsoka jeje mwamoona uMwana wa Mwanadamu asuhea v̄ahanu aka mwandroni?

MAV̄INGIZI-RISALA 1:19

Piya wakazi wa Yerusalemu waja waijua; iyo ɗe yatsonga lishamba lilo lahiriwa Hakeldama ha iluha yawo, yaãni, Shamba la Damu.)

MAV̄INGIZI-RISALA 10:34

Ɓas, Monye arenge umurongo, arongoa: «Ha kweli, tsifahamu amba Mungu katsahua sura.

MAV̄INGIZI-RISALA 14:27

Uwaswili yawo hule, wahudhurisha piya iDjama Ndziwaminifu, wawaeledza piya zile Mungu azifanya ha ndzia yawo na inamuna aɓulia zinishani zangina umulongo wa uaminifu.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

MAROMU 10:12

Ha izo kav̄u tafauti ɓaina ya Muyahudi na Mugiriki: piyawo Mwalawo moja adjaãliao ha uwengi piya wao wamuombao.

MAROMU 10:18

Ɓadi nisudzisa: Hali kawakia? Ɗe ikinyume! uMuangishio usurongoa: «liJi lawo livumu hari mwa piya ishiv̄andre ya tsi, na marongozi yawo ata mupaka umwiso wa lidunia.»

MAROMU 16:25

Natukuzihe uwo aliona ushindzi wa umuhodarishani, ha uɗunga iIndjili niijudzao yamuhusu Insa-Kristi, yalingana na izo zav̄enulwa zapatana na isiri yaka yasikwa rangu daima,

MAROMU 16:26

ilio amba av̄asa ija iv̄enulwa, amwesa ijudziwa piya zinishani ha indzia ya yimiangishio ya yimitrume ha iãmuri ya Mungu wa daima, ile iwav̄inge hari mwa utuĩvu wa uaminifu,

MAROMU 3:4

Ata hata! Ɓadi Mungu nakuɓalishihe amba wa kweli, wala ukana kula mwanadamu munafiki, mauri ɗe iheli v̄waangihwa moni na uMuangishio: «Ile pare uhakishihe hari mwa marongozi yaho, tsena ushindre neka usunamulwa.»

MAROMU 8:3

Mana trongo iSharia kakoishindra iv̄o hali ya shiuɓinadamu yakotoa ushindzi wayo, Mungu aifanya ha uv̄eleha uMwana wahe monyewe hari mwa mwili amba mutru amomuona, akoona mwili sawa na wa mwanadamu mwendza dhambi. Na uhusu dhambi, Mungu ahukumu lidhambi mwilini ha mwanadamu,

MAROMU 9:5

Wadzaɗe wawo ɗe wadzaɗe wa zamani wale, na uv̄andre wa shiuɓinadamu Kristi alawa hari mwa ikaɓila yawo, waye Monyewe uju na zitrongo piya, Mungu naɓarikishihe daima. Amina.

1 MAKORINTIYO 15:47

uMwanadamu wa handra arengwa shiv̄andreju mwa tsi, afanyiwa ha trotro; wa v̄ili aja ulawa pev̄oni.

1 MAKORINTIYO 2:7

risujudza ihikima ya Mungu yendza siri tsena yatsitswa, ilio amba Mungu aka aiãzimia ha utukufu watru rangu kaɓula madza ina mida.

2 MAKORINTIYO 1:19

Mana uMwana wa Mungu, Insa-Kristi, waye alio amba rimujudza hari mwanyu, yaãni wami, Silasi na Timutausu, waye kaka «Ewa» amma «Ãhã», ɓadi haheju «Ewa» ɗe ilio.

MAGALATWIYA 2:8

Mana Uwo atsonga amba Monye ake Muv̄ingizi-Risala ha yaMayahudi, ɗe anitsongesha wajau nike ha wale tsi Mayahudi.

MAGALATWIYA 4:4

Ɓadi wakati wamokamiliha, Mungu av̄eleha Mwana wahe, adzalwa na mutrumama, tsena hari mwa yamasharutwi ya iSharia,

MAEFESO 1:9

Arijudza iãdjaɓu ya mav̄endzeleo yahe, ne ɗe umupango wa mav̄endzeleo yahe yamujiv̄ia adzitayarishawo rangu kaɓula autsimidze ha indzia ya Kristi,

MAEFESO 6:19

Namunimiliye na wami wajau, pare kula namoɓua ihanyo urongozi niv̄olwewo, ile nijudze ha uhodari iãdjaɓu ya iIndjili,

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

MAKOLOSIYA 1:6

Indjili ini imujiliani, mauri ɗe inamuna iv̄ingao mavuna na urandra hari mwa ulemengu kamili. Ɗe inamuna iyo wajau hari mwanyu, rangu isuku mwakia tsena mwajua urehema wa Mungu ha ukweli wawo.

MAKOLOSIYA 2:2

ile roho zawo zingiye ɓari, wafunganisihe hari mwa uv̄endza, tsena wakane utadjirifu mukamilifu wa uelewa ha namuna yaswafishiha, pare wajuwe iãdjaɓu ya Mungu, ne ɗe Kristi,

2 MATESALONIKA 1:10

wakati isuku iyo atsojao atukuziwe ha watwaharifu wahe, na usifiwa ha piya wao itsokao amba waamini. Na wanyu wajau mutsoka, mana muamini ushahidifu watru.

2 MATESALONIKA 2:7

Mana iãdjaɓu ya uovu madza isurendreha; ilazimu tu amba uwo aiziao av̄asa, asuke.

1 TIMUTAUSU 3:9

Walazimu wasike mihono mili iãdjaɓu ya uaminifu, ha roho ndziraharifu.

MAHEƁRANIYA 1:3

uMwana uwo alio umuvagio wa utukufu wa Mungu, na umufano mukamilifu wa utru wahe, asuv̄inga piya zitru ha urongozi wendza ushindzi wahe. Ɓaanda atsimidza umurahatsio wa yamadhambi, aketsi humeni mwa Monyewe Ufalume hari mwa yimikaɓala ya uju.

MAHEƁRANIYA 12:2

Narilishe matso yatru ha Insa alio koho la uaminifu watru, tsena monyewe uukamilisha. Waye alio amba ha ifuraha aka ahetsiwayo, astahamili umuri wa pawa|muri wa pawa na uonea iaĩɓu yawo, amwesa aketsi humeni mwa ishiri ya ufalume ya Mungu.

MAHEƁRANIYA 7:7

Na irahara amba umutiti ɗe aɓarikishiwao na umuɓole.

MAHEƁRANIYA 8:1

iMahususu ya izo rarongoa ɗe ini: Rina Mutolezi-Masadaka Muɓole|Muɓole wa Matolezi-Masadaka namuna iyo, aketsi humeni mwa ishiri ya yezi ya Monyewe Ufalume pev̄oni.

1 MONYE 1:12

Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

1 MONYE 1:20

Atsahulwa rangu kaɓula, raha lidunia kalaka laumbwa, tsena av̄enulwa hari mwa uwakati wa mwiso unu ha faida yanyu,

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

1 MONYE 3:22

alio amba andre pev̄oni, a humeni ha Mungu, tsena zimalayika, ziyezi na zingushindzi zilazimishiwa umutuĩ.

1 YUHANI 1:2

Mana uhayati uwo uv̄enuha; wasi riuono, risuulawia ushahidi, tsena risumujudzani uhayati mukamilifu wa daima waka ha waye Ɓaɓa, amwesa wariv̄enushia.

1 YUHANI 3:5

Na wanyu musujua amba waye av̄enuha, ile atowe lidhambi. Na kav̄usi dhambi haheju.

1 YUHANI 3:8

Uwo aãswio, waye wa Iɓilisa, mana Iɓilisa uãswi rangu ãswili. Iyo ɗe imana ata uMwana wa Mungu av̄enuha, ile aangamidze zitrendrwa za Iɓilisa.

MUV̄ENULIO 17:5

Hari mwa uso wahe v̄uka v̄uangihwa dzina la shifumbo amba: Ɓaɓiluna uMuɓole, mama wa yamasusu na ngudhilifu za ishiv̄andre ya tsi.

MUV̄ENULIO 17:7

Ɓasi imalayika inidzisa: «Manatrini washanga? Nitsohuambia lifumbo lahusu umutrumushe na ishinyama mbovu imuv̄ingao iliona zizitswa saɓa na zinyonga kumi.

MUV̄ENULIO 7:9

Ɓaanda ya v̄ale, tsiono dunia ha uɓole ilio amba kav̄u ata mutru akoshindra aihasiɓu, ya kula nishani, kula kaɓila, kula umati, na kula luha. Waka wahimi mbeli na ishiri ya ufalume, tsena mbeli na uMwana Ɓariɓari, amwesa waka wapindri nguo ndjeu, wasiki na mahuri mihononi.