1 TIMUTAUSU 2:5 - Ha`bari Ndjema ya I Maore

⁵ Mana v̄wa Mungu moja tu, tsena muparanisa moja ɓaina ya Mungu na wanadamu, ne ɗe Kristi-Insa, mwanadamu,

1 TIMUTAUSU 2:5 ပူးပေါင်းရင်းမြစ်များ

MATIYO 1:1

Tsini ishikandre yav̄inga madzina ya wadzaɗe wa Insa-Kristi, shilembwe ya Daudu, alio amba shilembwe ya Iɓrahima.

MATIYO 1:23

«Mutrumushe-mwanamutsa atsomira, atsodza mwana mutruɓaɓa atsohiriwao Emanueli.» Faswiri ya v̄av̄o: «Mungu a v̄umoja na wasi».

LUKASI 14:22

Ɓaanda ya v̄ale murumizi ule aja arongoa: ‹Mutukufu, trongo wakotsaha zifanyiwe, zifanyiwa, amwesa v̄uɓaki tsena maɓandza.›

YUHANI 1:14

Na Urongozi ufanyiha mwanadamu, tsena aẽshi v̄umoja na wasi, amwesa riono utukufu wahe, utukufu wa uMwana moja-moja alawa ha Ɓaɓa, ajaya neema na ukweli.

YUHANI 17:3

Na uhayati mukamilifu wa daima ɗe wao uhujua, wawe ulio weke Mungu wa kweli, na umujua uwo wamuv̄eleha, Insa-Kristi.

MAV̄INGIZI-RISALA 4:12

Uhuyifu kausi ha mutru wangina atsokao yotsi, mana shiv̄andreju mwa tsi v̄anu kav̄usi dzina langina lav̄elehwa mbeli za wanadamu amba ha lilo ɗe ralazimu rihuyiwe.»

MAROMU 1:3

Haɓari Ndjema yahusu uMwana wahe alio amba ha mwili, aka shilembwe ya Daudu.

MAROMU 10:12

Ha izo kav̄u tafauti ɓaina ya Muyahudi na Mugiriki: piyawo Mwalawo moja adjaãliao ha uwengi piya wao wamuombao.

1 MAKORINTIYO 8:4

Ɓasi yahusu muɗyio wa nyama zatolewa masadaka masanamwe, risujua amba sanamwe, lilo mufano wa shitru kaisi ha kweli ulemenguni, tsena risujua amba kav̄u Mungu neka tsi moja ɓas.

1 MAKORINTIYO 8:6

ɓadi hatruju v̄wa Mungu moja tu, Ɓaɓa alio amba zitru piya ulawa haheju, na ha waye ɗe rilio; na Raɓi moja, Insa-Kristi, alio amba ha ndzia yahe ɗe piya zilio, na ha ndzia yahe tsena ɗe rilio.

MAGALATWIYA 3:20

Na muparanisa uwo, tsi muparanisa wa mutru moja; ɓadi Mungu, waye moja.

MAEFESO 4:6

Mungu moja amma Ɓaɓa wa piya, alio uju na piya, ha piya, na hari mwa piya.

1 TIMUTAUSU 6:13

Nisuhuãmurisha mbeli za Mungu av̄ao uhayati zitru piya, na mbeli za Kristi-Insa alio amba atoa ushahidifu ha mukuɓalisho mwema mbeli za Pontiusu Ɓilatusa:

MAHEƁRANIYA 12:24

mumujilia Insa, umuparanisa wa mukataɓa muv̄ia, na idamu yahe yatsambadziwa ilaguao trongo ndjema rahana ya Haɓilu.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

MAHEƁRANIYA 8:6

Ɓadi leo v̄anu Kristi waye apara urumishi wazidi uhu, iv̄o alio muparanisa wamukataɓa mwema zaidi, wahetsiwa hari mwa nguwahadi ndjema zaidi.

MAHEƁRANIYA 9:15

Iyo ɗe imana ata waye alio muparanisa wa mukataɓa muv̄ia, iv̄o v̄wahidjiri ufa ha ukombofu wa mahosa yafanyiwa hari mwa umukataɓa wa handra, pare wao wahiriwa na Mungu, wapare umwaratha wa daima waka watolewawo wahadi.

1 YUHANI 2:1

Wanyu wana wa shi uaminifu wangu, nisumuangishiani zini ile pare mwasuãswi. Ɓadi neka mutru aja aãswi, rina mudailizi mbeli za Ɓaɓa, waye Insa-Kristi, alio wa haki.

MUV̄ENULIO 1:13

Na hari-hari mwa zihetsi-kombe zile, v̄uka mutru akofana na mwana wa mwanadamu. Aka apindri gondra ɗile, amwesa aka aɓanga mukandra wa dhahaɓu shifuɓani.