1 TIMUTAUSU 2:2 - Ha`bari Ndjema ya I Maore

² Nazifanyiwe ha yamafalume na ha piya wendza ɓandza la yezi, ile riẽshi ha utrulivu na unafasi, ha trisidzo la Mungu v̄umoja na kula staha.

1 TIMUTAUSU 2:2 ပူးပေါင်းရင်းမြစ်များ

LUKASI 1:6

Wao waili waka watuĩvu mbeli za Mungu, tsena hari mwa itrongo ya uɗunga piya ziãmuri na yamasharuti ya Mola, kawakana lawama itsokao yotsi.

LUKASI 2:25

Na v̄ale v̄uka mutru ɗagoni Yerusalemu akohiriwa Simeona; aka mutru mutuĩvu mwendza djitihadi na zitrongo za Mungu, amwesa akositamia ukombozi wa Israila; tsena iRoho Ndzitwaharifu ika na waye.

MAV̄INGIZI-RISALA 10:22

Wamudjiɓu: «Dhwamana wa djeshi ahiriwao Korneliyus, mutru mutuĩvu ariao Mungu, amwesa arongolwao ha uwema na piya udjama wa yaMayahudi, aambilwa na malayika ndzitwaharifu ahuhire hahe, pare akiye marongozi yaho.»

MAV̄INGIZI-RISALA 24:16

Iyo ɗe imana nidzifarudhishao amba ha dahari roho yangu irahare mbeli za Mungu na mbeli za wanadamu.

MAROMU 12:18

Neka trongo mukinishiha, ha ikadiri itrongo itsokao djukumani hanyu, namuẽshi hari mwa amani v̄umoja na watru piya.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

1 MATESALONIKA 4:11

Namufanye djitihadi ya uẽshi ha utrulivu na mudzishahilise na trongo zanyu wenyewe, tsena mufanye hazi ha yimihono yanyu, mauri ɗe inamuna madza ramusariɓiani,

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.