1 TIMUTAUSU 1:18 - Ha`bari Ndjema ya I Maore

¹⁸ liSariɓu nihuv̄aolo mwana wangu Timutausu, ha uɗunga marongozi ya shi mutrume yashukidziwa nyuma oho yahuhusu wawe, ɗe amba ulawana na yao, uwane ikondro ndjema,

1 TIMUTAUSU 1:18 ပူးပေါင်းရင်းမြစ်များ

MAV̄INGIZI-RISALA 16:1

Ɓaanda ya v̄ale Ɓaulusu andre ata Derɓi na Listra. Na hule v̄uka swihaɓa akohiriwa Timutausu, mwana mutruɓaɓa wa mutrumushe Muyahudi muaminifu, ɓadi ɓaɓahe kaka Muyahudi.

1 MAKORINTIYO 4:17

Iyo ɗe imana nimuv̄elesheaoni Timutausu alio amba hari mwa uv̄umoja na Raɓi, waye mwana wangu muv̄endzewa, tsena muaminifu. Atsomunahanidzani maendreleo yangu hari mwa uv̄umoja na Kristi-Insa, mauri ɗe inamuna niyasomedzao kula v̄ahanu moni na kula Djama Ndziwaminifu.

1 MAKORINTIYO 9:7

Mbani aparofanya hazi ya djeshi adziliv̄ao monyewe mushahara wahe? Mbani ataɓuo mizaɓiɓu wala kaɗyi yamavuna? Au mbani atsungao ɓangwe wala kano dzia la liɓangwe?

MAFILIPI 2:22

Ɓadi musujua martaɓa yahe, namuna afanya hazi na wami mauri mwana na ɓaɓahe, ha uendresa mbeli iIndjili.

1 TIMUTAUSU 1:2

ha Timutausu, mwana wa kweli wangu hari mwa uaminifu: Neema, urehema na amani zilawao ha Mungu amma Ɓaɓa, na Kristi-Insa, Raɓi watru, nazihuendreleye.

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

1 TIMUTAUSU 4:14

Usurumiye ha ushiɗa ineema ya urehema ilio moni haho, wadjaãliwayo ha marongozi ya shi mutrume yashukidziwa wakati wakadzwa yimihono na uwaɓole wa iDjama Ndziwaminifu.

1 TIMUTAUSU 4:4

Kweli amba kula yaumbwa na Mungu, iyo ndjema, tsena kav̄usi ya uhara, neka isurengwa ha uhimidifu,

1 TIMUTAUSU 6:20

He Timutausu, sika trongo wadhwaminishiwayo. Dziɓause na malaguzi kayana mana yashirikisao, na mashindrano yajao ha ujuzi wa trambo.

2 TIMUTAUSU 1:2

ha Timutausu mwana wa shi uaminifu muv̄endzewa wangu: Neema, urehema na amani zilawao ha Mungu amma Ɓaɓa na Kristi-Insa, Raɓi watru, nazihuendreleye.

2 TIMUTAUSU 4:7

Tsiwana ikondro ndjema, tsimalidza umwendro, tsisiki uaminifu.

TITUSA 1:4

Nisuhuangishia wawe Titusa, mwana wangu wa kweli hari mwa uaminifu watru shirika: Rehema na utrulivu zilawao ha Mungu amma Ɓaɓa v̄umoja na Kristi-Insa, Muhuyifu watru, nazihuendreleye.

FILIMUNA 1:10

nisumilia hahoju umwana wangu wa shi uaminifu Onesimu, alio amba afanyiha mwana wangu uka yangu hari mwa silisili.