1 TIMUTAUSU 1:15 - Ha`bari Ndjema ya I Maore

¹⁵ Urongozi unu kweli, tsena ustahiki ukuɓaliwe ha namuna ndzikamilifu amba: Kristi-Insa aja ulemenguni ile ahuyi maãswifu, walio amba wami ɗe wa handra.

1 TIMUTAUSU 1:15 ပူးပေါင်းရင်းမြစ်များ

MATIYO 1:21

Atsodza mwana mutruɓaɓa, na wawe utsomuhira Insa, mana waye ɗe atsohuyio umati wahe na madhambi yawo.»

MATIYO 18:10

«Namudzitahadharishe na uv̄ungua moja hari mwa watiti wanu; mana nisumuambiani amba malayika zawo pev̄oni, ha dahari za maswa na Ɓaɓangu alio pev̄oni. [

MATIYO 18:11

Mana uMwana wa Mwanadamu|Mwana wa Mwanadamu aja ahuyi wapotea.]

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

MATIYO 9:13

Namwendre mwasome imana ya urongozi unu: ‹Nisutsaha urehema, ɓadi tsi sadaka!› Wami v̄angu tsaja nahira warahara, ɓadi maãswifu.»

MARKUSI 2:17

Insa ukia yahe trongo zile, awaambia: «Tsi ɗe walio wanono watsahao twaɓiɓu, ɓadi ɗe wawaɗe. Tsaja nahira watuĩvu, ɓadi ɗe maãswifu.»

LUKASI 15:2

Watru wa ishama ya dini ya Mafarisayo na Mafundi ya Sharia wakonguruma ha urongoa: «Mutru unu asurenga fetre watru wendza taɓia mbi na uɗya v̄umoja na wao.»

LUKASI 19:10

Mana uMwana wa Mwanadamu aja azunguhe na uhuyi wao wapotea.»

LUKASI 5:32

Tsaja nahira warahara, ɓadi ɗe maãswifu wandre toɓa.»

YUHANI 1:12

Ɓadi ha piya wao wamukuɓali, ha wao wamuaminio, awav̄a ushindzi wa ufanyishiha wana wa Mungu

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

YUHANI 12:47

Neka mutru asukia marongozi yangu ne kasuyatuĩ, wami tsi ɗe nimuhukumuo. Mana tsaja amba nihukumu ulemengu, ɓadi nihuyi ulemengu.

YUHANI 3:36

Monyewe uamini uMwana ana uhayati mukamilifu wa daima, ɓadi uwo ahara uamini uMwana katsoona uhayati, ɓadi hadhaɓu ya Mungu uketsi ju lahe.»

MAV̄INGIZI-RISALA 11:1

yaMav̄ingizi-Risala|Mav̄ingizi-Risala na uwananya wa shi uaminifu waka hari mwa iYudeya, wakia amba watru wa zinishani zangina wakuɓali wajau uUrongozi wa Mungu.

MAV̄INGIZI-RISALA 11:18

Ɓaanda wakia trongo zile, watrulia, amwesa wamutukuza Mungu ha urongoa: «Ɓasi v̄av̄o Mungu adjaãlia wajau watru wa zinishani zangina wandre toɓa, ndzia iv̄ingao hari mwa uhayati mukamilifu.»

MAV̄INGIZI-RISALA 3:26

Ɗe hanyuju kadimu ɗe Mungu av̄enusa umurumishi wahe, amuv̄eleha amuɓarikini ha uzingisa kula moja hari mwanyu na zimbovu zahe.»

MAROMU 11:14

ile neka trongo mukinishiha, nitsotse uwivu wa wao walio kaɓila moja na wami, tsena nihuyi wasalia mengoni mwawo.

MAROMU 5:6

Mana wakati raha karakoshindra itsokao yotsi, hari mwa uwakati wahetsiwa, Kristi afu ha faida ya mashirikina.

1 MAKORINTIYO 15:9

Mana wami ɗe umuv̄ungufu hari mwa yaMav̄ingizi-Risala, tsisustahiki ata uhiriwa Muv̄ingizi-Risala, mana tsitrese iDjama Ndziwaminifu ya Mungu.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

1 TIMUTAUSU 1:13

wami nilio amba hale oho nakokufuru, nakotresa na uruhana. Ɓadi tsidjaãliwa urehema, mana nakorendra ɓila ujuzi, iv̄o tsakana uaminifu.

1 TIMUTAUSU 1:19

ha usika uaminifu v̄umoja na roho ndziraharifu ɓila tuhuma. V̄wa ɓaãdhwi walio amba wahara uvulishia likoho la unamuzi lawo, na ha izo uaminifu wawo uroro.

1 TIMUTAUSU 3:1

Urongozi unu kweli: neka mutru asutsashia uka dhwamana hari mwa Djama Ndziwaminifu, v̄av̄o asutsaha urumishi mwema.

1 TIMUTAUSU 4:9

Uwo urongozi wastahiki uaminifu walazimu mukuɓalisho mukamilifu.

1 TIMUTAUSU 6:13

Nisuhuãmurisha mbeli za Mungu av̄ao uhayati zitru piya, na mbeli za Kristi-Insa alio amba atoa ushahidifu ha mukuɓalisho mwema mbeli za Pontiusu Ɓilatusa:

2 TIMUTAUSU 2:11

Unu urongozi wa kweli: Neka amba rifu v̄umoja na waye, ritsoẽshi wajau v̄umoja na waye;

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

1 YUHANI 3:5

Na wanyu musujua amba waye av̄enuha, ile atowe lidhambi. Na kav̄usi dhambi haheju.

1 YUHANI 3:8

Uwo aãswio, waye wa Iɓilisa, mana Iɓilisa uãswi rangu ãswili. Iyo ɗe imana ata uMwana wa Mungu av̄enuha, ile aangamidze zitrendrwa za Iɓilisa.

1 YUHANI 5:11

Na ushahidi uwo ɗe amba Mungu ariv̄a uhayati wa daima, na uhayati uwo uka hari mwa uMwana wahe.

MUV̄ENULIO 21:5

Na Ule aka aketsi shiriju mwa ufalume arongoa: «Tsini, nisufanya amba piya zike pia!» Arongoa raha: «Angiha, mana marongozi yao yastahiki uaminifu, tsena kweli.»

MUV̄ENULIO 22:6

Amwesa iniambia: «Marongozi yao yastahiki uaminifu, tsena kweli. Mola, Mungu wa ziroho za wao washukidziwa marongozi, av̄eleha malayika yahe ionese warumishi wahe izo zalazimu zije tsi hale.»

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.