1 MONYE 4:13 - Ha`bari Ndjema ya I Maore

¹³ Ɓadi iv̄o murengao fuvu hari mwa yamatungu ya *Kristi, namufurahi ile pare hari mwa umuv̄enulio wa utukufu wahe, wanyu wajau mufurahi na ujiv̄iwa.

1 MONYE 4:13 ပူးပေါင်းရင်းမြစ်များ

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

MATIYO 25:21

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 25:23

Sa ile murumisa wahe amuambia: ‹Ufanya fetre, wawe murumizi mwema, muaminifu; uonesa uaminifu hari mwa trongo shashi, v̄av̄o nitsohudhwaminisha nyengi. Ko, uje ufurahi na murumisa waho.›

MATIYO 25:31

«Wakati uMwana wa Mwanadamu|Mwana wa Mwanadamu atsojao hari mwa utukufu wahe na piya zimalayika v̄umoja na waye, atsoketsi hari mwa ishiri ndzitukufu yahe ya ufalume.

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

MATIYO 5:12

Namujiv̄iwe, tsena muke hari mwa furaha, mana thawaɓu zanyu zitsoka ɓole pev̄oni. Mana ɗe ha inamuna iyo ɗe yakotreswa yimitrume yav̄ira kaɓula ya wanyu.»

MARKUSI 8:38

Mutru aonao haya ha siɓaɓu ya wami na yamarongozi yangu mbeli za uwatru tsi maaminifu maãswifu wa lidunia la leo lini, ɓasi uMwana wa Mwanadamu atsoona haya wajau ha siɓaɓu ya mutru ule wakati atsojao hari mwa utukufu wa Ɓaɓahe v̄umoja na zimalayika ndzitwaharifu.»

LUKASI 17:30

Itsoka ɗe inamuna iyo wajau isuku uMwana wa Mwanadamu atsov̄enuhao.

MAV̄INGIZI-RISALA 16:25

Ata hari-hari za uku, Ɓaulusu na Silasi wakofanya mamilio na uhedza madjimbo ya usifu Mungu. Na wafungwa wasalia wakowavulishia.

MAV̄INGIZI-RISALA 5:41

yaMav̄ingizi-Risala yale yalawa hari mwa uMungulidzano wa Waɓole, wafurahi ha iv̄o waonehana amba wastahiki warendrwe mbovu ha siɓaɓu ya lidzina la Insa.

MAROMU 5:3

Wala tsi ɓasi, ɓadi risudziparia sifa ata hari mwa matreso, iv̄o rijuao amba matreso udza suɓira,

MAROMU 8:17

Na ha iv̄o rilio wana, ra wajau hari mwa umwaratha: warithishiwa wa Mungu, tsena hari mwa ushirika wa mwaratha v̄umoja na Kristi, neka kweli risuondesheha v̄umoja na waye, ile ritukuzihe wajau v̄umoja na waye.

MAROMU 8:18

Nisuona amba hali yotsi utsokao utungu wa wakati unu, kawastahiki ufanisiwa na utukufu utsov̄enuliwao hatruju.

2 MAKORINTIYO 1:5

Kweli amba mauri ɗe iheli matungu ya Kristi yazidishihao hatruju, ɗe inamuna iyo wajau mutrulidzio watru uzidishihao ha indzia ya Kristi.

2 MAKORINTIYO 1:7

Na itama yatru yamuhusuni ya hodari, mana risujua amba neka musurenga fuvu hari mwa yamatungu, musurenga fuvu wajau hari mwa umutrulidzio.

2 MAKORINTIYO 4:10

Risuv̄inga daima moni na umwili watru ufa wa Insa, pare uhayati wa Insa uv̄enuhe wajau mwiliju hatru.

2 MAKORINTIYO 4:17

Mana zitaãɓu ndzangu za leo ziriparao, zisuridzalia ha indadi kaina mupaka utukufu wa daima.

MAFILIPI 3:10

iNia yangu ɗe wami umujua waye, na ushindzi wa umuregezeo hayi wahe, amma na urenga ushirika na waye hari mwa maondo yahe, na ulingana na waye hari mwa ufa wahe,

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

2 TIMUTAUSU 2:12

neka risustahamili, ritsotawala wajau v̄umoja na waye. Neka risumuhara, waye wajau atsorihara;

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 2:21

Na ha iyo ɗe mwahirwa, mana Kristi wajau ne aondesheha ha umufayidishani, amulishiani mufano, ile muɗunge yimirohoro yahe:

1 MONYE 5:1

Nisutria ɓari uwaɓole wa iDjama walio hari mwanyu, wami nilio muɓole mauri wao, shahidi wa yamatungu ya Kristi, tsena nitsorengao fuvu hari mwa utukufu ujov̄enulwao:

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

YUDA 1:24

Ɓasi ha Uwo ashindrao amuziyeni na kula mukwaliso, tsena amuyeleheni mbeli za utukufu wahe ɓila pandra hari mwa furaha,

MUV̄ENULIO 1:7

Tsuwo, asuja hari mwa mavingu na piya watsomuona, ata wao wamuforoa. Na piya zikaɓila za shiv̄andreju mwa tsi zitsoulula ha siɓaɓu ya waye. Ewa! Amina.

MUV̄ENULIO 1:9

Wami Yuhani, mwananyanyu nirengao fuvu hari mwa yamatreso, hari mwa ufalume na suɓira ha uv̄umoja watru na Insa, tsika hari mwa ishisiwa ya Patimosa ha siɓaɓu ya Urongozi wa Mungu, na ushahidifu wa Insa