1 MONYE 2:19 - Ha`bari Ndjema ya I Maore

¹⁹ Mana iyo rehema amba ha mastaha mbeli za Mungu, mutru ustahamili utungu wa maondo tsi ya haki.

1 MONYE 2:19 ပူးပေါင်းရင်းမြစ်များ

LUKASI 6:32

Neka musuv̄endza wao wamuv̄endzaoni, v̄av̄o faida trini ɗe mudzilindriliao nazo? Mana maãswifu wajau, ne uv̄endza wao wawav̄endzao.

YUHANI 15:21

Ɓadi watsomufanyiani piya trongo zizo ha siɓaɓu ya lidzina langu, mana kawasujua Uwo aniv̄eleha.

MAV̄INGIZI-RISALA 11:23

Uwaswili yahe ata aona ineema ya Mungu, afurahi, tsena awatria ɓari piyawo wasike ha umo muhodari uaminifu wawo na Raɓi.

MAROMU 13:5

Iyo ɗe imana ilio farudhwi ya utuĩ, tsi ha siɓaɓu ya uria hadhaɓu tu, ɓadi tsena ha siɓaɓu iv̄o mutru ajuao rohoni hahe iyo yalazimu.

1 MAKORINTIYO 15:10

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

2 MAKORINTIYO 1:12

Mana ingazi ya udziɓua yatru ɗe ushahidifu wa inafusi yatru amba ridziv̄ingi ulemenguni v̄anu, na hususwani mbeli zanyu, hari mwa uraharifu na ukweli zilawao ha Mungu; ɓila tsi amba ha hikima ya shiuɓinadamu, ɓadi ha urehema wa Mungu.

2 MAKORINTIYO 8:1

Wananyangu, risumujudzani ineema ya Mungu yadjaãliwa ziDjama Ndziwaminifu za Makadoniya.

2 TIMUTAUSU 1:12

Na iyo ɗe imana ata niparwao na maondo yanu, ɓadi tsisuyaonea haya, mana nisujua uwo namuamini, tsena tsina yakini amba ana ushindzi wa usika iyo nadhwaminishiwayo ata mupaka Suku iyo.

MAHEƁRANIYA 10:2

Na djeli amba tsi ɗe namuna iyo, ɓasi hali kaitsoka amba watru wazia uyatoa? Mana wao wafanyao ĩɓada iyo, itsoka amba watwaharishiha mara moja ɓas, amwesa kawatsodzituhumia tsena na dhambi.

1 MONYE 2:20

Kweli amba sifa trini ikao mutru amostahamili ziv̄ondro ɓaanda akosa? Ɓadi neka amba musustahamili maondo ɓaanda murendrao ndjema, iyo rehema mbeli za Mungu.

1 MONYE 4:15

V̄usuke ata moja hari mwanyu aondesheha amba waye muula, au mwidzi, murendrezi-mbovu, au asupasiwa na trongo za watru,