1 MONYE 1:3 - Ha`bari Ndjema ya I Maore

³ Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

1 MONYE 1:3 ပူးပေါင်းရင်းမြစ်များ

YUHANI 1:13

walio amba wadzalwa tsi ha shimwanadamu, wala tsi ha shahawa ya umwili, wala tsi ha yamav̄endzeleo ya mwanadamu, ɓadi wadzalwa ha iwaye yahe Mungu.

MAROMU 12:12

Hari mwa itama mulionayo, namufurahi, moni na taãɓu, namuke na suɓira, mudzifungamanise na mamilio.

MAROMU 15:13

Ɓasi Mungu Monyewe av̄ao tama, namujadziyeni kula furaha na amani hari mwa uaminifu, ile pare itama yanyu yendre na uzidishiha ha ushindzi wa iRoho Ndzitwaharifu.

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

MAROMU 5:10

Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 8:24

Mana ɗe ha tama ɗe rahuyiwa. Na tama ionehwanao, iyo tsi tama tsena. Hali shitru mutru aionao, iyo ukiri utamwa raha?

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

1 MAKORINTIYO 15:20

Ɓadi kweli amba Kristi aregezewa hayi ulawa ufaju, waye ɗe udzazi wa handra hari mwa wao wafa.

2 MAKORINTIYO 1:3

Naɓarikishihe Mungu amma Ɓaɓa wa Raɓi watru Insa-Kristi, Ɓaɓa wa kula rehema amma Mungu wa kula mutrulidzio.

MAGALATWIYA 6:16

Ha piya wao waɗungao musariɓio uwo, utrulivu na urehema naziendreleye, tsena ha iIsraila ya Mungu.

MAEFESO 1:17

Ɓasi Mungu wa Raɓi watru Insa-Kristi, Ɓaɓa mwendza utukufu, namudjaãliyeni roho ya hikima na muv̄enulio, ile pare mumujuwe ha ukamilifu wahe.

MAEFESO 1:3

Naɓarikishihe Mungu amma Ɓaɓa wa Raɓi watru Insa-Kristi, ariɓarikisha kula muɓarikisho wa roho wa shimbinguni, hari mwa uv̄umoja na Kristi.

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAEFESO 2:4

Ɓadi Mungu waye mutadjirifu wa poreho na ha siɓaɓu ya uv̄endza muɓole ariv̄endza,

MAEFESO 3:20

Ɓasi ha Uwo ashindrao, ha ushindzi wahe urendrao hatruju, afanye ha uzidisha piya izo rimiao au rifikirio,

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 MATESALONIKA 4:13

Wananya wa shi uaminifu, wasi karisutsaha yaka amba kamusujua zahusu wao wandra mbeli za Mungu, ile mwasusikitihe mauri ɗe wasalia walio amba kawasina tama.

2 MATESALONIKA 2:16

Ɓasi Raɓi watru Insa-Kristi waye-waye na Mungu amma Ɓaɓatru alio amba ariv̄endze, tsena aridjaãlia ha ineema yahe mutrilio-ɓari wa daima na tama ndjema,

1 TIMUTAUSU 1:14

Na urehema wa Raɓi watru uzidishiha, v̄umoja na uaminifu na uv̄endza ulio ha Kristi-Insa.

TITUSA 2:13

ha ulindra itama yendza ɓaraka, na umuv̄enulio wa utukufu wa Mungu muɓole watru na Muhuyifu watru, Insa-Kristi.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

YAKOƁU 1:18

Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.

1 MONYE 1:13

Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 MONYE 1:23

Kweli amba muv̄olwa uhayati muv̄ia, tsi ha mbeu muangamia, ɓadi ha mbeu tsi muangamia, ha urongozi ulio hayi tsena ulio v̄av̄o wa Mungu.

1 MONYE 2:2

Mauri wana wadzalwa av̄asa, namutsahe dzia swafi-swafi la shiroho, ile ha wilo muhuwe, mupare uhuyifu,

1 MONYE 3:15

Ɓadi namumuhetsi Kristi rohoni hanyu amba Raɓi. Ha daima namuke tayari ya udifaĩ itama mulionayo moni hanyu, mbeli za yotsi atsotsahao ajuwe,

1 MONYE 3:21

Na iyo ika mufano wa umuɓaĩsho umuhuyioni leo ini, muɓaĩsho ulio amba kausutoa tsama za umwili, ɓadi ulio miyadi mbeli za Mungu ha roho yarahara. Na uhuyifu uwo uparihana ha umuregezeo hayi wa Insa-Kristi,

1 MONYE 3:5

Iyo ɗe inamuna hale oho watruwashe watwaharifu walio amba wakomutumainia Mungu wakodzistawidza, ha udzituĩsa ha watruwaume wawo,

1 YUHANI 2:29

Neka musujua amba waye mwendza haki, namujuwe amba yotsi arendrao uhaki, uwo adzalishiha shi waye.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.

1 YUHANI 3:9

Mutru yotsi adzalishiha shi Mungu waye kaãswi, mana ihali ya Mungu uɓaki moni hahe. Kashindri uãswi iv̄o adzalishiha shi Mungu.

1 YUHANI 4:7

Wav̄endzewa wangu, nariv̄endzane, mana uv̄endza ulawa ha Mungu na yotsi av̄endzao udzalwa shi Mungu, tsena umujua Mungu.

1 YUHANI 5:1

Mutru yotsi aaminio amba Insa ɗe Kristi, uwo adzalishiha shi Mungu, na yotsi av̄endzao umudzazi, uv̄endza wajau ule adzalishiha shi waye.

1 YUHANI 5:18

Risujua amba mutru yotsi adzalishiha shi Mungu kaãswi, mana umudzalishiha shi Mungu ule umuhifadhwi, na uMovu|Movu kamupara.

1 YUHANI 5:4

mana kula adzalishiha shi Mungu waye ushindra lidunia. Na ushindrifu washindra lidunia, ɗe uaminifu watru.