1 MONYE 1:21 - Ha`bari Ndjema ya I Maore

²¹ mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

1 MONYE 1:21 ပူးပေါင်းရင်းမြစ်များ

MATIYO 28:18

Insa atsengelea, amwesa awaambia: «Piya yezi tsiv̄olwayo rangu mbinguni ata shiv̄andreju mwa tsi.

YUHANI 12:44

V̄ale Insa arongoa ha nguvu: «Monyewe uniamini, kasuniamini ɗe wami, ɓadi ɗe Uwo aniv̄eleha.

YUHANI 14:1

«Musuhafilihe iroho. Namuamini Mungu, muniamini na wami.

YUHANI 14:6

Insa amuambia: «Wami ɗe indzia, ukweli, na uhayati. Kav̄usi mutru ajao ha Ɓaɓa, neka tsi ha ndzia yangu.

YUHANI 17:1

Ɓaanda alagua trongo zile, Insa adzua yamatso mbinguni, arongoa: «Ɓaɓa, wakati uwaswili. V̄enua utukufu wa uMwana waho, pare uMwana ahutukuze,

YUHANI 17:24

Ɓaɓa, natsov̄endza v̄ahanu nilio wao waniv̄awo wake wajau na wami, pare waone utukufu wangu, utukufu waniv̄awo iv̄o waniv̄endza kaɓula ya lidunia uumbwa.

YUHANI 17:5

Na av̄asav̄anu Ɓaɓa, v̄enua utukufu wangu mbeli zaho, utukufu naka nawo haho, kaɓula ya lidunia uka.

YUHANI 3:34

Na Uwo Mungu amuv̄eleha, urongoa yamarongozi ya Mungu, mana Mungu umudjaãlia iRoho ɓila shiv̄imo.

MAV̄INGIZI-RISALA 2:24

Ɓadi Mungu amutratrua hari mwa zingwe sa mauti, amuregeza hayi, mana kayaka trongo mukinishiha waye uziwa na ufa.»

MAV̄INGIZI-RISALA 3:13

Mungu wa Iɓrahima, Isiaka na Yaãkuɓu, Mungu wa maɓaɓatru, atukuza umurumishi wahe Insa, ule mwamuv̄eleha aulawe na umuhara mbeli za Ɓilatusa, alio amba waye aka arenge ãzima amujeledze.

MAV̄INGIZI-RISALA 3:15

Muulu likoho la uhayati, Monyewe uka amba Mungu amuregeza hayi ha ulawia ufa, na wasi ra mazahidi.

MAV̄INGIZI-RISALA 4:10

wanyu piyanyu, v̄umoja na piya umati wa Israila, namujuwe amba ɗe ha lidzina la Insa-Kristi wa Nazareti, ule mwamurema mizumari hari mwa muri wa pawa, ɗe Mungu amuregeza hayi ulawa ha uwafu, ɗe ha waye ɗe mutru unu ahima mbeli zanyu na unono mukamilifu.

MAROMU 10:9

Mana neka ukuɓali ha ihanyo yaho amba: «Insa ɗe Raɓi», tsena neka uamini rohoni haho amba Mungu amuregeza hayi ulawa ha uwafu, v̄av̄o utsohuyiha.

MAROMU 4:24

ɗe ha siɓaɓu ya wasi wajau ilio amba ritsohakishiha, wasi riaminio Uwo amuregeza hayi ulawa ha uwafu, Insa Raɓi watru,

2 MAKORINTIYO 6:15

Muafikiano trini ɓaina ya Kristi na Ɓelial? Fungu trini muaminifu alionalo v̄umoja na tsi muaminifu?

MAEFESO 1:15

Iyo ɗe imana ata wami wajau, ukia yangu uaminifu wanyu na Raɓi Insa na uv̄endza yanyu mulionayo ha piya uwatwaharifu,

MAKOLOSIYA 1:27

Mungu atsaha awajudze utadjirifu mutukufu wa iãdjaɓu ini hari mwa zinishani kazimuji, amba: Kristi moni hanyu, ɗe itama ya utukufu.

1 TIMUTAUSU 1:1

Wami Ɓaulusu, Muv̄ingizi-Risala wa Kristi-Insa ha ãmuri ya Mungu Muhuyifu watru, na ya Kristi-Insa itama yatru,

1 TIMUTAUSU 3:16

Ilazimu rikuɓali amba iãdjaɓu ya ĩɓada, iyo ɓole: Waye av̄enuha ha mwili wa mwanadamu, adhiɓitishiwa na iRoho, aonehwa na zimalayika, ajudziwa hari mwa zinishani, aaminiwa ulemenguni, ahedzewa hari mwa utukufu.

MAHEƁRANIYA 2:9

Ɓadi v̄anu risuona amba Insa ahetsiwa hari mwa muda mushashi utsini mwa zimalayika, akadzwa kemba ya utukufu na hishima ha siɓaɓu ya ufa ulio amba aondesheha nawo. Ha izo, ha irehema ya Mungu, av̄iri hari mwa ufa ha tanafu ya piya wanadamu.

MAHEƁRANIYA 6:1

Ha izo, narilawe hari mwa ziharufu za handra za umusomo wahusu Kristi, ritsengeleye ata hari mwa ukamilifu wa umusomo, wala tsi ha utria misingi raha: ɗe uendra toɓa ha zitrendrwa mbovu ziv̄ingao hari mwa ufa, uaminifu na Mungu,

MAHEƁRANIYA 7:25

Iyo ɗe imana ata ashindrao ahuyi ha daima wao wamujiliao Mungu ha ndzia yahe, mana asuẽshi dahari ile awadailiye.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

1 MONYE 3:22

alio amba andre pev̄oni, a humeni ha Mungu, tsena zimalayika, ziyezi na zingushindzi zilazimishiwa umutuĩ.