1 MONYE 1:15 - Ha`bari Ndjema ya I Maore

¹⁵ Ɓadi mauri ɗe inamuna Uwo amuhirani alio mutwaharifu, wanyu wajau namufanyihe watwaharifu hari mwa piya muendreleo wanyu,

1 MONYE 1:15 ပူးပေါင်းရင်းမြစ်များ

MATIYO 5:48

Ɓasi namurahare, mauri ɗe Ɓaɓanyu mbinguni, alio amba arahara.»

MAROMU 9:24

Wasi ra moni v̄av̄o wajau, wasi rilio amba arihiri, tsi tu amba hari mwa yaMayahudi, ɓadi tsena hari mwa zinishani zangina.

2 MAKORINTIYO 7:1

Ɓasi ha iv̄o riliona wahadi mauri ɗe zini, wandzani wa roho wangu, naridzitwaharishe na kula inagisio umwili na iroho, na utsimidza utwaharifu ha wasi umuria Mungu.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAFILIPI 3:14

nisusimamia ne niwaswili mupakaju, ile nipare ihishima amma ɗe umuhirio wa Mungu pev̄oni hari mwa uv̄umoja na Kristi-Insa.

MAFILIPI 3:20

Ɓadi wasi, uraĩa watru wa shipev̄oni, v̄ulio amba risulindra ulawa uMuhuyifu, ne ɗe Raɓi Insa-Kristi,

1 MATESALONIKA 2:12

rimutriani ɓari, rimutrulidzani, rimusariɓiani ha kusudi mudziv̄inge ha namuna yamustahiki Mungu alio amba asumuhirani murenge fuvu hari mwa utawalizi wahe na utukufu wahe.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

2 TIMUTAUSU 1:9

Arihuyi, tsena arihiri rike watwaharifu, tsi ha ulawana na zitrendro zatru, ɓadi ha siɓaɓu ya inia yahe monyewe, na irehema aridjaãliayo ha uv̄umoja na Kristi-Insa kaɓula ya umwandro wa yimida.

TITUSA 3:14

Watru watru wajau walazimu wafundrihe udzihetsi ufanya zitrendro ndjema, ile zalazimu zilio mahususu ziparihane, isuke amba kawana mavuna.

TITUSA 3:8

Urongozi uwo kweli, amwesa natsov̄endza ushadidishe trongo zizo, ile wao wahetsi uaminifu wawo ha Mungu, wazidi udzishuhulisa ya ufanya zitrendro ndjema. Izo ɗe ndzuzuri, tsena zifayidishao wanadamu.

MAHEƁRANIYA 12:14

Namukane djitihadi ya uẽshi ha amani na watru piya, amwesa mukane utwaharifu ulio amba neka tsi ha uwo, kav̄u mutru atsomuonao Mola.

MAHEƁRANIYA 13:5

iNamuna ya uẽshi yanyu yasuke hari mwa uv̄endza mali, namutoshehe na iyo mulionayo, mana Mungu waye-waye arongoa: «Tsitsohuɓauha dahari, tsitsohulatsa ata idahari.»

YAKOƁU 3:13

Uv̄i mengoni mwanyu alio mwendza hikima, tsena mwendza ujuzi? Ɓasi mutru uwo nav̄enuwe ha umuendreleo mwema wahe zitrendro zahe, ha umakini v̄umoja na hikima.

1 MONYE 2:12

Namukane maendreleo mazuri mbeli na watru kawamuji Mungu, ile pare v̄ahanu kamwe wamurongoaoni amba wanyu warendrezi-mbovu, waone zitrendro ndjema zanyu, amwesa wamutukuze Mungu isuku ya umujilio wahe.

1 MONYE 2:9

Ɓadi wanyu kaɓila yatsahulwa, Matolezi-Masadaka ya shiufalume, nishani ndzitwaharifu, umati Mungu adziparia, ile mujudze yimisifio ya Uwo amuhirani ulawa shidzani mwendre hari mwa iheu ndzitukufu yahe.

1 MONYE 3:16

ɓadi namuifanye ha namuna ya shiuwekevu v̄umoja na hishima, na ukana roho yarahara, ile v̄ahanu kamwe musingidziwao, wao watefuao maendreleo mema yanyu hari mwa uv̄umoja wanyu na Kristi, waone haya.

1 MONYE 5:10

Na ɓaanda itsokao amba muondesheha mwana wakati, Mungu wa kula rehema alio amba amuhirini ha uv̄umoja wanyu na Kristi murenge fuvu hari mwa utukufu wa daima wahe, atsomukamilishani waye-waye, amuhodarisheni, amuv̄eni nguvu tsena musike ha kusudi.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.

MUV̄ENULIO 3:7

«Angishia imalayika ya iDjama Ndziwaminifu ya shi Filadelfiya zini: Zini ɗe zirongolwao na Uwo alio Mutwaharifu amma Kweli, Monyewe ukana umufunguo wa Daudu, Monyewe aɓuao wala kav̄u aɓalao, tsena aɓalao wala kav̄u aɓuao.

MUV̄ENULIO 4:8

ziZiumbe nne zendza roho zile zikana kula moja maɓawa sita, tsena zikana matso wavuni piya na moni. Mutsana na uku kazisuzia urongoa: «Mutwaharifu, Mutwaharifu, Mutwaharifu ɗe Mola Mungu, Monyewe Ushindzi, Uwo aka, alio, tsena ajao.»

MUV̄ENULIO 6:10

Wakoshelemedza ha ji lendza nguvu ha urongoa: «Ata lini uhomao, Mola Monyewe Ushindzi, Mutwaharifu amma wa kweli, uhukumu na uɗiv̄ia damu yatru hari mwa uwakazi wa ishiv̄andre ya tsi?»