1 MONYE 1:13 - Ha`bari Ndjema ya I Maore

¹³ Ha izo, namuke na fikira zanyu, muke hashiri, tsena muhetsi tama ndzikamilifu yanyu hari mwa irehema itsomujiliaoni wakati wa umuv̄enulio wa Insa-Kristi.

1 MONYE 1:13 ပူးပေါင်းရင်းမြစ်များ

MATIYO 20:4

Awaambia: ‹Wanyu namwendre wajau hari mwa ishunga ya mizaɓiɓu yangu, ne nitsomuliv̄ani yalazimu.›

LUKASI 12:35

«Namudzihaze yimikandra marengani hanyu, na mahombe yanyu yapatswe.

LUKASI 17:30

Itsoka ɗe inamuna iyo wajau isuku uMwana wa Mwanadamu atsov̄enuhao.

LUKASI 17:8

Katsomuambia ha kinyume: ‹Nipishiye, amwesa upindre unielesheye, niɗye na unwa, iv̄o wawe v̄aho uɗye na unwa?›

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAROMU 8:19

Mana ziumbe piya zisulindra na hamu uwakati wa umuv̄enulio wa uwana wa Mungu.

1 MAKORINTIYO 1:7

Ha izo, wanyu kamwakosewa na neema itsokao yotsi hari mwa umulindrilio wanyu wa umuv̄enulio wa Raɓi watru Insa-Kristi.

1 MAKORINTIYO 13:13

Ɓasi v̄anu trongo traru ɗe zilio: uaminifu, tama, na mahaɓa. Ɓadi imahususu ɗe mahaɓa.

MAEFESO 6:14

V̄av̄o namukaze, mufunge mukandra wa ukweli trengani, amwesa mupindre uhaki ike ngwezi ya shuma.

MAKOLOSIYA 3:4

Wakati Kristi alio uhayati wanyu atsov̄enuhao, v̄av̄o wanyu wajau mutsov̄enuha v̄umoja na waye hari mwa utukufu.

2 MATESALONIKA 1:7

tsena amuv̄eni wanyu muondeshehao, uv̄umuzi v̄umoja na wasi, wakati wa umuv̄enulio wa Raɓi Insa ulawa mbinguni v̄umoja na malayika zendza ushindzi zahe.

2 TIMUTAUSU 4:5

Ɓadi wawe, kana fahamu laho hari mwa piya zitrongo, stahamili yamaondo, fanya ihazi ya mutrangizi wa iHaɓari Ndjema, tsimidza ha ukamilifu urumishi waho.

2 TIMUTAUSU 4:8

Rangu v̄anu tsihetsiwa ihishima ya muhakisho mbeli za Mungu. Raɓi, hakimu wa haki, atsoniv̄ayo iSuku iyo; wala tsi wami tu, ɓadi wajau na piya wao wakolindra v̄umoja na huɓa muv̄enulio wahe.

MAHEƁRANIYA 10:35

Mwasulatse ɓasi uaminifu wanyu ulio amba usuv̄inga thawaɓu ɓole.

MAHEƁRANIYA 3:6

Ɓadi Kristi waye, shi Mwana ɗe alio muaminifu hari mwa umuraɓa wa Mungu. Na umuraɓa wahe ɗe wasi, neka risusika hodari [ata mwisoni] umuhakikisho na itama iriv̄ao ufahari.

MAHEƁRANIYA 6:19

iTama iyo rinayo mauri nanga hodari tsena mangavu ya iroho. Iyo ungia ata uv̄iria umusutru,

MAHEƁRANIYA 9:28

ɗe namuna iyo wajau Kristi atolwa sadaka mara moja, ile atowe madhambi ya indadi ɓole ya wanadamu, iv̄o av̄enuhe mara ya v̄ili, ɓila tsi ha trongo yahusu dhambi, ha wao wamulindriliao na uhuyifu.

1 MONYE 1:10

Uhuyifu uwo, yimitrume yakojudza marongozi washukidziwa ju la urehema mwahetsiwa, yiutwalia na uzunguha ikweli yawo.

1 MONYE 3:15

Ɓadi namumuhetsi Kristi rohoni hanyu amba Raɓi. Ha daima namuke tayari ya udifaĩ itama mulionayo moni hanyu, mbeli za yotsi atsotsahao ajuwe,

1 MONYE 4:7

uMwiso wa piya zitrongo ukuruɓia. Ɓasi namukane zifikira zanyu, tsena muke hashiri, pare mufanye mamilio.

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.

1 MONYE 5:8

Namukane zifikira zanyu, tsena muke hashiri. iÃduwi yanyu Iɓilisa asuzingidza mauri simba ingurumao, izunguhao mutru amuɗye.

1 YUHANI 3:3

Yotsi aliona tama iyo na Kristi udzitwaharisha, mauri waye namuna alio twahara.