1 MATESALONIKA 5:4 - Ha`bari Ndjema ya I Maore

⁴ Ɓadi wanyu, wananya wa shi uaminifu, kamusi hari mwa shidza amba isuku iyo imuhiliɓuni mauri mwidzi.

1 MATESALONIKA 5:4 ပူးပေါင်းရင်းမြစ်များ

MATIYO 10:15

Nisumuambiani ha kweli, isuku ya hukuma, ihukuma ya malago ya Suduma na Gomora itsostahamilishiha rahana ya liɗago lile.»

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

MAV̄INGIZI-RISALA 26:18

wendre waɓuwe matso yawo, walawe shidzani wangiye hari mwa iheu, tsena walawe hari mwa ushindzi wa Shetwani, wazinge ha Mungu, ile wapare muswamaha wa madhambi yawo na fungu la mwaratha v̄umoja na wao watwaharishiwa ha uaminifu na wami.›

MAKOLOSIYA 1:13

Arikomboa na yezi ya shidza, ile ariv̄inge hari mwa utawalizi wa uMwana wahe muv̄endzewa,

1 MATESALONIKA 5:2

Mana wanyu-wanyu musujua ha uzuri amba isuku ya Raɓi itsoja mauri mwidzi ukwari.

2 MONYE 3:10

iSuku ya Raɓi itsoja mauri mwidzi. Na isuku iyo zimbingu zitsov̄ira v̄umoja na keme ɓole, zitru za ãswili zitsolalusiwa ha moro, na ishiv̄andre ya tsi v̄umoja na zitrendrwa zayo zitsov̄enuha.

1 YUHANI 2:8

Ata wala ukana, ini ãmuri pia ɗe nimuangishiaoni, trongo ilio kweli haheju, amwesa na hanyu, mana ishidza isulawa, na iheu ya kweli madza isuwala.

MUV̄ENULIO 16:15

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.

MUV̄ENULIO 3:3

Nahana ɓasi iyo wapara, iyo wakia, amwesa uisike, wendre toɓa. Neka kusi hashiri, nitsoja mauri mwidzi, na wawe kutsojua ata hata isa nitsohujiliao.