1 MATESALONIKA 4:5 - Ha`bari Ndjema ya I Maore

⁵ ɓila udzieleha na taɓia ya shahawa, mauri ɗe namuna wafanyao watru wa zinishani zangina kazimuji Mungu.

1 MATESALONIKA 4:5 ပူးပေါင်းရင်းမြစ်များ

MATIYO 6:32

Mana piya trongo zizo, watru kawamuji Mungu ɗe wadzisongao nazo. Ɓaɓanyu alio pev̄oni asujua amba zimulazimuni.

LUKASI 12:30

Mana piya trongo izo, watru kawaji Mungu ɗe wadzisongao nazo. Ɓadi Ɓaɓanyu asujua amba izo zisumulazimuni.

MAV̄INGIZI-RISALA 17:23

Mana wakati nakorara ɗagoni hanyu v̄anu na utunda zizo muziãɓuduo, tsendre ata tsifahamu talatala ya masadaka yav̄inga umuangishio unu: ya mungu kajulihana. Ɓas, uwo mumuãɓuduo wala umujua, uwo ɗe nimujudzaoniwo.

MAROMU 1:24

Iyo ɗe imana ata Mungu awajeledza hari mwa utshafi walingana na zingushauku za umo wawo, ha namuna amba wasupatsa aĩɓu wao wanyewe yimili yawo.

MAROMU 1:26

Iyo ɗe imana Mungu awajeledza hari mwa shahawa zendza aĩɓu. Washe wawo wagaudza inamuna ya uendrelea ya ãswili ha maendreleo kinyume na inamuna waumbwa.

MAROMU 1:28

Ɓaanda kawatsaha wamujua Mungu, Mungu awajeledza hari mwa fikira mbovu zawo, wafanye zilio amba kazalazimu.

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MAKORINTIYO 15:34

Ãkili zanyu nazimuregeyeni, musuãswi tsena. Kweli amba v̄wa wasalia kawamuji Mungu. Nisuirongoa ha aĩɓu yanyu.

MAGALATWIYA 4:8

Nyuma hule iv̄o kamwakomujua Mungu, mwakorumishia mauri warumwa miungu yilio amba ha ihali yayo, kayisi.

MAEFESO 2:12

amba wakati uwo mwakoka ɓila Kristi; muka v̄ondze na umati wa Israila, muka wadjeni na yimikataɓa|mukataɓa ya uwahadi, kamwakana tama wala Mungu ulemenguni.

MAKOLOSIYA 3:5

Ɓasi namuule zitrongo za itaɓia ya shiduniani mulionayo, mauri: uzani, utshafi, taɓia za shahawa, ngushauku mbovu na uv̄endza-upara, ilio sawa na uãɓudu masanamwe.

2 MATESALONIKA 1:8

Atsov̄enuha moni na jenge la moro, ile aãdhiɓu wao kawasumujua Mungu na wao kawasutuĩ iIndjili ya Raɓi watru Insa.

1 MONYE 4:3

Kweli amba wakati mwauv̄itsa nyuma oho ha ufanya mav̄endzeleo ya watru kawamuji Mungu utosho, mauri maẽsha yendza ushirikina, shahawa za peu, ulevi, malangadzo ya peu, karamu zilezao, na ĩɓada ndzilaãnifu za masanamwe.