1 MATESALONIKA 4:1 - Ha`bari Ndjema ya I Maore

¹ Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

1 MATESALONIKA 4:1 ပူးပေါင်းရင်းမြစ်များ

YUHANI 15:2

Kula trahi hanguju kalisudza mavuna, waye ulitoa, na kula lidzao mavuna, waye uliav̄usa, pare lizidi udza.

MAV̄INGIZI-RISALA 20:27

Mana tsimujudzani piya mav̄endzeleo ya Mungu, wala tsi ha udzamisa trongo itsokao yotsi.

MAROMU 8:8

Tsena, wao watawaliwa na ihali ya shiuɓinadamu kawashindri umujiv̄idza Mungu.

1 MAKORINTIYO 11:23

Mana wami tsipara ulawa ha Raɓi zizo namuv̄ani: Raɓi Insa uuku av̄iriwa nyuma, arenge dipe,

1 MAKORINTIYO 15:1

Av̄asa wananyangu, nisumunahanidzani iIndjili namujudzaniyo ilio amba muikuɓali, tsena muifanya ngazi,

1 MAKORINTIYO 15:58

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

2 MAKORINTIYO 10:1

Wami Ɓaulusu nisumumiani ha utrulivu na uwema wa Kristi, wami nirongoleshehao amba ɓaridi namoka matsoni hanyu, na muhali namoka mbali na wanyu,

2 MAKORINTIYO 13:11

Zaɓaki v̄av̄o wananyangu, namufurahi, mukusudiye ukamilifu, namutriane ɓari, muke na nia moja, namuẽshi hari mwa amani. Na Mungu Monyewe uv̄endza na utrulivu atsoka v̄umoja na wanyu.

2 MAKORINTIYO 5:9

Iyo ɗe imana wajau ata riliona nia ya umujiv̄idza, neka amba ra hari mwa umwili, au ramoulawia.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

MAGALATWIYA 6:1

Wananyangu, neka v̄wa mutru aja asikwa na aina ya kosa, wanyu muv̄ingwao na iRoho, namumurudi ha roho ndzitrulivu. Ɓadi dzitahadharishe, usendre wawe wajau wadjereɓiwa.

MAEFESO 4:1

Ɓasi nisumutriani ɓari, wami nilio mufungwa ha siɓaɓu ya urumishi wangu ha Raɓi, mukane maendreleo yastahiki umuhirio mwaupara,

MAEFESO 4:20

Ɓadi wanyu, tsi namuna iyo ɗe mwamujua Kristi.

MAEFESO 5:17

Ɓasi v̄av̄o, mwasuke ɓila ãkili, ɓadi namuelewe amba mav̄endzeleo ya Mola ɗe yav̄i.

MAFILIPI 1:27

Ɓadi namudziv̄inge ha namuna yastahiki iIndjili ya Kristi, ile pare neka nisuja nimuoneni, au tsisuja, nikiye amba musiki hodari ha nia moja, amwesa ha ãzima moja musuwanilia uaminifu wa iIndjili,

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

MAFILIPI 3:14

nisusimamia ne niwaswili mupakaju, ile nipare ihishima amma ɗe umuhirio wa Mungu pev̄oni hari mwa uv̄umoja na Kristi-Insa.

MAKOLOSIYA 1:10

ile mudziv̄inge ha namuna yamustahiki Raɓi, ha umujiv̄ia hari mwa piya, mukane mavuna ya kula shitrendro ndjema, tsena muhuwe hari mwa ujuzi wa Mungu;

MAKOLOSIYA 2:6

Ɓasi ha izo, ɓaanda mwamukuɓali Kristi-Insa amba Raɓi, namuẽshi hari mwa uv̄umoja na waye.

1 MATESALONIKA 3:12

Raɓi naengedze na uzidisha uv̄endza mulionawo wanyu na wanyu, tsena na piya wasalia, mufano wa uwo rilionawo na wanyu.

1 MATESALONIKA 4:2

Kweli amba musujua maosio ramuv̄aniwo ulawa ha Raɓi Insa.

1 MATESALONIKA 5:12

Ɓasi wananya wa shi uaminifu, risumumiani, mustehi wao wadzirumao mengoni mwanyu, wamuv̄ingaoni hari mwa uv̄umoja wa Raɓi na umutahadharishani.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

2 MATESALONIKA 2:1

Risumumiani wananyatru, yahusu umuregeo wa Raɓi watru Insa-Kristi na umungulidzano watru na waye,

2 MATESALONIKA 3:1

Yaɓaki v̄anu wananya wa shi uaminifu, namurifanyiye mamilio, ile urongozi wamuhusu Raɓi wendre mbeli amwesa utukuzihe, mauri ɗe inamuna ulio hanyu,

2 MATESALONIKA 3:13

Yahusu wanyu wananya wa shi uaminifu, mwasulemewe ufanya ndjema.

1 TIMUTAUSU 5:21

Nisuhuosia mbeli za Mungu, mbeli za Kristi-Insa, na mbeli za zimalayika ndzitwaharifu, utuĩ ãmuri zizo pasipo ya mav̄endzeleo wala utsahulivu.

2 TIMUTAUSU 4:1

Nisuhurayi mbeli za Mungu na mbeli za Kristi-Insa atsohukumuo wao walio hayi na wao wafa, tsena ha siɓaɓu ya umuv̄enulio wahe na utawalizi wahe, amba:

MAHEƁRANIYA 11:6

Mana neka tsi ha uaminifu, tsi trongo mukinishiha amba mutru amujiv̄idze Mungu, mana uwo amukuruɓiao, alazimu aamini amba a v̄av̄o, tsena amba waye uv̄a thawaɓu wao wamuzunguhao.

MAHEƁRANIYA 13:16

Ɓila mwasuɗele urendra zema na uv̄a musada, mana ɗe ha masadaka mauri ɗe yao ɗe Mungu ajiv̄iwao.

MAHEƁRANIYA 13:22

Nisumumiani wananyangu wa shi uaminifu, namustahamili urongozi wa mutrulio-ɓari unu, mana tsimuangishiani ha ukutri.

2 MONYE 3:18

Ɓadi namuhuwe hari mwa urehema na ujuzi wa Raɓi watru amma Muhuyifu Insa-Kristi. Utukufu naumuendreleye rangu av̄asa ata idahari. Amina.

1 YUHANI 3:22

Yotsi rimiao, wasi uipara na waye, mana risusika ãmuri zahe, amwesa risufanya zimujiv̄iao.