1 MATESALONIKA 3:4 - Ha`bari Ndjema ya I Maore

⁴ Wakati raka v̄umoja na wanyu, rakomuambiani na kaɓula amba ritsoparwa na matreso. Iyo ɗe yahidjiri, na wanyu musuijua.

1 MATESALONIKA 3:4 ပူးပေါင်းရင်းမြစ်များ

MATIYO 24:25

Tsini, tsimujudzani rangu kaɓula.

MAV̄INGIZI-RISALA 17:1

Ɓaulusu na Silasi wav̄iri Amfipolis na Apoloniya ata wawaswili Tesalonika, v̄ahanu yaMayahudi|Mayahudi wakana Nyumba ya Uswali.

MAV̄INGIZI-RISALA 17:13

Ɓadi wakati yaMayahudi ya Tesalonika wajua amba Ɓaulusu akojudza tsena uUrongozi wa Mungu Ɓeriya hule, wandre wasariɓia na utsotsoa idunia oho wajau.

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

1 MATESALONIKA 2:14

Kweli amba wanyu wananya wa shi uaminifu mufanyiha wanyawe na ziNgudjama Ndziwaminifu za Mungu ziliona uv̄umoja na Kristi-Insa oho Yudeya. Mana muondesheha mihononi ha wanyanyu wa tsi moja, trongo ilio ɗe wiyo-wiyo ha wao waondesheha mihononi ha wanyawo Mayahudi.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

2 MATESALONIKA 2:5

Hali kamusufahamu amba nakomuambiani trongo zini wakati raha naka hanyu?

2 MATESALONIKA 3:10

Mana kweli amba wakati raka v̄umoja na wanyu, rakomuv̄ani sariɓu lini: «Neka mutru kasutsaha afanya hazi, ɓasi v̄av̄o asuɗye».