1 MATESALONIKA 2:9 - Ha`bari Ndjema ya I Maore

⁹ Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

1 MATESALONIKA 2:9 ပူးပေါင်းရင်းမြစ်များ

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?

LUKASI 2:37

Ufiliwa yahe na mume wahe, aɓaki mutsumba ata v̄anu atsimu maha thamanini na minne. Kakolawia iNyumba Ndzitwaharifu, ɓadi aka hari mwa ĩɓada mauku na mitsana ha ufunga na umia Mungu.

MAV̄INGIZI-RISALA 18:3

na ha iv̄o wakana muhono wa hazi moja, aketsi na wao, wafanya hazi v̄umoja. Waka wafanyizi wa nyumba za haima.

MAV̄INGIZI-RISALA 20:24

Ɓadi tsisuona uhayati wangu amba muhimu au na faida itsokao yotsi na wami, neka tsi ɗe wami utsimidza umwendro wangu, nendre ata nimalidze ihazi nadhwaminishiwayo na Raɓi Insa, ɗe ujudza iHaɓari Ndjema ya ineema ya Mungu.

MAV̄INGIZI-RISALA 20:31

Ɓas namuke hashiri, munahane amba pandza la maha miraru, tsazia uku wala mutsana ya wami umufahamishani ha matsozi, kula moja hari mwanyu.

MAROMU 1:1

Wami Ɓaulusu, murumishi wa Kristi-Insa|Kristi, nahirwa nike Muv̄ingizi-Risala, tsena nahetsiwa nijudze iHaɓari Ndjema ya Mungu,

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

MAROMU 15:19

tsena ha ushindzi wa ãlama za ãdjaɓu na midjuza, ha ushindzi wa iRoho. Ha izo, rangu Yerusalemu ata upara liɓavu la Iliriko, tsijudza ha ukamilifu iIndjili ya Kristi.

1 MAKORINTIYO 4:12

Risudziruma, risufanya hazi ha yimihono yatru. Ramoruhanwa, risusopelea; ramotreswa, risustahamili;

1 MAKORINTIYO 9:15

Ɓadi wami tsarumia ata moja hari mwa ruhusa zile, wala tsaangiha trongo zini amba pare nizidayi. Mana nisuona amba ɓorwa nife rahana wami utolewa isiɓaɓu ya sifa mauri ɗe ini.

1 MAKORINTIYO 9:18

Ɓasi shiliv̄o yangu ɗe iv̄i? Ɗe wami utamania ɓure-ɓure iIndjili niijudzao, wala tsi ha urumia ukamilifu wa zihaki nastahikiwa hari mwa iIndjili iyo.

1 MAKORINTIYO 9:4

Hali karisina ruhusa ya uɗya na unwa?

2 MAKORINTIYO 11:27

Nakofanya hazi ndziro hari mwa taãɓu, wakati mwengi tsakopara tsindzi; nakoka hari mwa ndza na nyora, mara nyengi nakofunga; nakoremwa na ɓaridi, nakoka ɓila nguo.

2 MAKORINTIYO 11:9

Na wakati nakokosewa uka yangu v̄umoja na wanyu, tsakotsaha hadja ha mutru atsokao yotsi, mana wananya wa shi uaminifu waja ulawa Makadoniya, waka waniv̄ingia izo zaka zanikosea. Ha kula namuna tsidziɓalidza uka mudzo hanyuju, tsena nitsodziɓalidza nayo.

2 MAKORINTIYO 6:5

hari mwa ziv̄ondro, ziv̄ani, mitsutsuho, ngurumwa, miɓalidzio ya tsindzi, na ndza;

MAFILIPI 4:16

Mana madza uka yangu Tesalonika muniv̄eleshedzea izo zakonikosea, wala tsi mara moja.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

1 MATESALONIKA 2:2

Ɓaanda raondesheha na urendrwa nnayi ɗagoni Filipi, mauri ɗe inamuna mujuao, rihodarishiha ha uv̄umoja watru na Mungu watru, ile rimujudzeni iHaɓari Ndjema yahe, wala ukana hari mwa kondro ɓole.

1 MATESALONIKA 2:6

Karakotsaha sifa zalawa ha wanadamu, tsi ha wanyu, wala tsi ha wangina.

1 MATESALONIKA 3:10

Uku na mutsana risufanya mamilio v̄umoja na djitihadi pare rije rimuoneni, ile ritsimidze izo zakosa hari mwa uaminifu wanyu.

1 TIMUTAUSU 1:11

walingana na iIndjili ndzitukufu ya Mungu Monyewe ɓaraka, ilio amba tsidhwaminishiwayo.

1 TIMUTAUSU 4:10

iKusudi ata ridzirumao na udzisonga ɗe uka amba rihetsi tama yatru ha Mungu alio hayi, Muhuyifu wa piya uwanadamu, hususwani wao waaminio.

1 TIMUTAUSU 5:5

Mutrumushe afiliwa wa kweli alio amba aɓaki weke, ahetsi tama yahe ha Mungu, amwesa waye uendrelea ha hadja na mamilio uku na mutsana.

2 TIMUTAUSU 1:3

Nisumuhimidia Mungu nimurumishiao ha roho ndziraharifu ɓila tuhuma, mauri ɗe wadzaɗe wangu, namohunahana hari mwa mamilio yangu kula sa, uku na mutsana.